LEXO PA REKLAMA!

SHKARKO APP

Denoncimi: 5 drejtorët e Veliajt po nxjerrin jashtë valixhet me eurot e vjedhura

15 Shkurt 2024, 20:27, Denoncim CNA
Denoncimi: 5 drejtorët e Veliajt po nxjerrin jashtë valixhet me eurot
Bashkia e Tiranës

5 drejtorë të bashkisë së Tiranës së Erion Veliajt janë denoncuar mbrëmjen e sotme se po mbushin çantat me para dhe po i largojnë nga Shqipëria.

Denoncimin e bëri ish-kryeministri Sali Berisha gjatë fjalës së tij për protestuesit në rrugën “Mustafa Matohiti”.

Berisha tha se bhet fjalë për drejtorët e Veliajt të përfshirë në dosjen “5D”.

“Të dashur miq, këto ditë 5 drejtorët e Erion Veliajt, të lidhur si mishi me thoin me familjarët e tij të afërt, janë gjetur se mbushin valixhet me euro dhe nga Podgorica fluturonin në të katër anët me avionët në dispozicion me paratë e vjedhura, taksa të qytetarëve të Bashkisë së Tiranës.

Skapi pret ndonjë ryshfet më të majmë që t’i amnistojë edhe ata, siç ka amnistuar Edi Ramën, siç ka amnistuar Erion Veliajn.

Ndaj 20 shkurti është dita e ditëve, dita e drejtësisë, dita e të vërtetës, dita e fitores!

Asgjë nuk mund të na shmangë ne, asgjë nuk do na pengojë ne pa rivendosur pluralizmin, votën e lirë, pa shpëtuar Shqipërinë nga regjimi i narkomafies.

Edhe njëherë, shqiptarë dhe shqiptare kudo që jeni, më shumë se kurrë Shqipëria sot pret nga ju.

Më shumë se kurrë ajo sot është në duart tuaja.

Më shumë se kurrë duhet të ngrihemi në 20 shkurt, t’i presim biletën regjimit më të urryer që shqiptarët kanë njohur pas diktaturës së Enver Hoxhës”, deklaroi ai.

Më parë, kryedemokrati ka denoncuar se 5 drejtorat e bashkisë kanë vjedhur 30 milionë euro para publike me familjarët e tyre.

Kujtojmë se SPAK ka në hetim dosjen “5D”, dosje për të cilën bëri kontrolle BKH pak javë më parë në Bashkinë e Tiranë2s dhe në shtëpitë e drejtorave të kësaj bashkie. Kontrollet lidheshin gjithashtu edhe me aferën në inceneratori inekzistent të Tiranës./ CNA

Lajmet e fundit nga