web counter
LEXO PA REKLAMA!

SHKARKO APP

App Store
Google Play

E fundit!

x

Bashkëpunëtori i drejtorit të Veliajt ndërtoi mijëra metra katrorë pa leje në mes të Tiranës

19 Shkurt 2024, 14:35, Aktualitet CNA
Bashkëpunëtori i drejtorit të Veliajt ndërtoi mijëra
Arben Maloku dhe Erion Veliaj

Arben Maloku, i cili rezultoi se ka qenë themelues i kompanisë “Jon Construction”, e cila tashmë është në pronësi të Sokol Tushës, vëllait të Taulant Tushës, ka qenë në hetim nga Prokuroria e Tiranës për veprën penale “Ndërtim i paligjshëm”. 

Nga hetimet rezultoi se kompania“Arb&Trans-2010” sh.p.k. me administrator Shyqyri Maloku dhe ish-ortak deri në vitin 2018 Arben Malokun kanë bërë mbi 2700 m2 ndërtim në shkelje të lejes së dhënë në një pallat në “Myslym Shyri”, Tiranë. Ky objekt nisi të ndërtohej në vitin 2021 dhe është sekuestruar nga autoritetet.

Bashkëpunëtori i drejtorit të Veliajt ndërtoi mijëra
Pallati ku u bë ndërtimi pa leje

Më 15 janar 2021 nga ana e Bashkisë Tiranë për objektin e sipërcituar rezulton se leja e ndërtimit është “Godinë banimi dhe shërbimi 4 dhe 5-9 kate, me 2 kate parkim dhe shërbim nëntokë”, por në fakt objekti aktualisht është ndërtuar 4 (katër) kate mbi lejen e ndërtimit të miratuar, me një sipërfaqe totale shtesë 2713.5 m2.  

"Bazuar në dokumentacionin në dispozicion të tyre si Leje ndërtimi me nr.prot M-24366/8 miratuar me Vendim të kryetarit të Bashkisë Tiranë me nr.M-24366/6 datë 15.01.2021, planit të vendosjes së objektit, planit të detajuar vendor të miratuara nga kryetari i Bashkisë Tiranë për objektin Godinë banimi dhe shërbimi 4 dhe 5-9 katë, me 2 kate parkim dhe shërbime nëntokë, në pronë të shoqerisë “Arb & Trans 2010 shpk si dhe matjeve të realizuara në objekt nga ing.Emiljan Gurra pasqyruar në planin e rilevimit, rezulton që ndërtimi i objektit të sipërcituar është kryer në shkelje të lejes së miratuar. Në dokumentacionin vënë në dispozicion janë dy planë të detajuara vendore, një i ardhur në formë elektronike tjetri i printuar në format A3 me tregues zhvillimorë të ndryshëm të cilët krahasuar me sipërfaqen e ndërtimit sipas planit të rilevimit rezultojnë se sipërfaqa shtesë është 3778.7 m2 mbi lejen e ndërtimit të miratuar nga Bashkia Tiranë dhe referuar planit të detajuar vendor të ardhur në formë elektronike sipërfaqa shtesë është 3946.7 m2 mbi lejen e ndërtimit të miratuar nga Bashkia Tiranë", thuhet në dosjen e prokurorisë. 

Në dëshminë e dhënë para autoriteteve, Maloku ka deklaruar se është shkëputur nga shoqëria “Arb & Trans 2010” sh.p.k. prej 5 vitesh dhe në momentin e shkëputjes së tij administrator ka kaluar vjehrri i tij e më pas babai i tij Shyqyri Maloku. Ai thekson se nuk ka asnjë dijeni që të ketë kryer ndërtim pa leje, kompania “Arb & Trans 2010”, pra kompania që drejtohet nga babai. 

"Është shkëputur nga shoqëria 'Arb & Trans 2010' sh.p.k. prej 5(pesë) vitesh dhe në momentin e shkëputjes së tij administrator ka kaluar vjehrri i tij e më pas babai i tij Shyqyri Maloku. Ai nuk ka dijeni që shoqëria e cila administrohet nga babai i tij të ketë kryer ndërtim pa leje. Investimi për ndërtimin e atij objekti është kryer nga buxheti i shoqërisë, shoqëri e cila merret kryesisht me ndërtime si dhe me punë publike. Në momentin e nisjes së ndërtimit ka filluar edhe shitja e objektit me kontrata sipërmarrjeje dhe këto të ardhura janë hedhur në investim për këtë objekt në ndërtim. Kontratat e sipërmarrjes janë kryer te noter Dritan Gjana, Ardian Stamo dhe Amelia Muka. Me zbatimin e projektit është marrë vetë shoqëria dhe mbikëqyrës i punimeve ka qenë shtetasi Hysni Gjoci. Në dijeninë e tij janë 4(katër) kate pa leje të cilat janë të gjitha të shitura. Ai ka sqaruar se nuk ka dijeni të jetë kryer ndonjë kontroll", është shprehur ai. 

Në lidhje me këtë dosje prokuroria ka marrë të pandehur babain e Arben Malokut, Sheqet Maloku, administrator i shoqërisë “Arb&Trans-2010" Hysni Gjoçaj, Edmond Ndoj, Dritan Gjoni dhe Orgeta Bardho (Kapllanin).

Flijet që lidhin Arben Malokun me Sokol e Taulant Tushën dhe Bashkinë Tiranë

Bashkëpunëtori i drejtorit të Veliajt ndërtoi mijëra
Erion Veliaj

CNA denoncoi një ditë më parë hallkat e zinxhirit mes biznesmenëve dhe Bashkisë Tiranë, ku këta të fundit përfitojnë tenderë publikë. 

CNA raportoi se Sokol Tusha, vëllai i Taulant Tushës, (drejtorit të Erion Veliajt të arrestuar nga SPAK-u për inceneratorët) lidhet me shumë skema dhe biznese për të cilat dyshohet se kanë përfituar tenderë në institucione të ndryshme apo dhe kompani të ndryshme.

Sipas të dhënave që ka siguruar CNA nga Qendra Kombëtare e Biznesit rezulton se kompania “Jon Construction” e ndërtuar në tetor të vitit 2020 është në pronësi të Sokol Tushës, vëllait të Taulant Tushës, me 66.7 % të aksioneve dhe me 33.3 % të aksioneve të kësaj kompanie zotëroheshin nga shtetasi Thanas Rapo.

Por me rëndësi është të theksojmë se kjo kompani është themeluar nga shtetasi Arben Maloku. Këto zbulojnë edhe një nga fijet e tij me Bashkinë Tiranë. Ky institucion u lejoi Malokut dhe familjarëve të tij të ndërtonin mijëra metra katrorë tokë pa leje në mes të Tiranës. 

Ka dyshime se Maloku dhe familjarët e tij janë toleruar nga Bashkia Tiranë, për këto akte korruptive./CNA 

 

 





Lajmet e fundit nga