web counter
LEXO PA REKLAMA!

SHKARKO APP

App Store
Google Play

E fundit!

x

Gara farsë për drejtorin e RTSH-së/ Miliarderi i Rilindjes kryeson

12 Qershor 2023, 21:55, Aktualitet CNA
Gara farsë për drejtorin e RTSH-së/ Miliarderi i Rilindjes
Foto ilustruese

Më 30 maj u hap formalisht gara fiktive për drejtuesin e ri të Radio Televizionit Shqiptar, e cila nuk është gjë tjetër veçse një farsë.

CNA raportoi se 6 emrat që synojnë këtë post janë Engjëll Musai, Enrik Mehmeti, Viron Roboci, Laureta Roshi, Alfred Peza dhe Helidon Haliti.

Dosjet e 6 kandidatëve janë shqyrtuar këtë të hënë në mbledhjen e Këshillit Drejtues të RTSH-së, ku ishin të pranishëm 9 nga 10 anëtarët e këshillit.

Këshilli Drejtues kualifikoi në fazën tjetër të konkurimit Alfred Pezën, Enrik Mehmetin, Helidon Halitin dhe Laureta Roshin.

Ashtu siç CNA kishte parashikuar dhe paralajmëruar, garën e kryeson gazetari miliarder i Rilindjes, Alfred Peza.

Ky i fundit është gazetari i 1 milion dollarëve aksione bankare, i cili në vetëm 18 muaj, 4 apo 5-fishoi pasuritë e tij.

Pas informacioneve e dokumenteve të publikuara në media në lidhje me pasurinë e Pezës, Prokuroria e Përgjithshme filloi hetimet dhe kërkoi sekuestron e pasurisë prej 1.1 miliardë lekësh.

Por në vitin 2017, Gjykata e Krimeve të Rënda hoqi sekuestron e pasurisë së gazetarit, i cili ka qenë deputet dhe sekretar i PS-së.

Por përtej parashikimeve të CNA që po ecin në favor të gazetarit miliader, gara për drejtorin e RTSH-së po kryhet duke shkelur ligjin dhe kriteret.

Kjo pasi kriteret përcaktojnë se drejtori i Përgjithshëm i RTSH-së, nuk duhet të jetë anëtar i partive apo shoqatave politike, nuk duhet të jetë kandidat për deputet, apo të jetë zgjedhur i tillë gjatë dy legjislaturave të fundit.

Gjithashtu, shkelje ka edhe në kriterin që nuk lejon të kandidojnë persona që kanë në pronësi pjesë kapitali apo aksione të shoqërive tregtare, si dhe të drejta të tjera në fushën e transmetimeve audiovizive, reklamës, prodhimeve të përmbajtjes së transmetimeve audiovizie.

Kështu vërtetohet se gara nuk është asgjë tjetër veçse një farsë për të zgjedhur ish-deputetin dhe ish-sekretarin e Rilindjes në krye të RTSH-së./ CNA.al





Lajmet e fundit nga