web counter
LEXO PA REKLAMA!

SHKARKO APP

App Store
Google Play

Deklaratat e Hill për Kurtin/ Escobar: Është i vështirë, por është partneri ynë

11 Qershor 2023, 13:04, Aktualitet CNA

Deklaratat e Hill për Kurtin/ Escobar: Është i

I dërguari i posaçëm i Shteteve të Bashkuara të Amerikës për Ballkanin Perëndimor, Gabriel Escobar, ka komentuar deklaratën e ambasadorit amerikan në Beograd, Christopher Hill, i cili për kryeministrin Albin Kurti tha se ka disa probleme dhe nuk e di nëse mund ta konsideronte partner apo jo.

Në një intervistë për Institutin për Politikë dhe Ekonomi të Evropës Juglindore, Escobar theksoi se Kurti është partner i SHBA-së, Kosova është partnere e SHBA-së po ashtu dhe Serbia.

Escobar nënvizoi se duhet gjetur një mënyrë që të dyja palët të bëhen pjesë e BE-së.

 “Më duhet ta bëj të qartë këtë – zoti Kurti është partneri ynë. Ai ndonjëherë është një partner i vështirë, por ai është një partner. Kosova është partneri ynë. Serbia është partneri ynë.

Pra, në të ardhmen duam t’i shfrytëzojmë marrëdhëniet e mira që kemi me Kosovën dhe përmirësimin e marrëdhënieve që kemi me Serbinë për të gjetur një mënyrë, për të gjetur një mënyrë reciprokisht të pranueshme dhe reciprokisht të dobishme në mënyrë që të dyja të jenë pjesë e Bashkimit Evropian së bashku.

Dhe jo vetëm kaq, por që të dyja të ndihmojnë në hapjen e derës së integrimit për pjesën tjetër të rajonit. Pra, ne duam të përdorim marrëdhënien tonë të mirë për të ndihmuar në ndërmjetësimin në të ardhmen”, ka deklaruar Escobar./ CNA.al 





Lajmet e fundit nga