web counter
LEXO PA REKLAMA!

SHKARKO APP

App Store
Google Play

Gara për kreun e RTSH-së/ Zbulohen emrat e 6 kandidatëve

9 Qershor 2023, 11:41, Aktualitet CNA

Gara për kreun e RTSH-së/ Zbulohen emrat e 6 kandidatëve

Më datë 30 maj u hap formalisht gara fiktive për drejtuesin e ri të Radio Televizionit Shqiptar.

Sot CNA ka mësuar se cilët do të jenë 6 emrat që do të kandidojnë për këtë post.

Kandidatët janë Engjell Musai, Enrik Mehmeti, Viron Baboci, Laureta Roshi, Alfred Peza dhe Helidon Haliti.

Disa prej tyre janë në shkelje të ligjit dhe kritereve të shpallura nga Këshilli Drejtues i RTSH-së.

Sipas përcaktimit të kritereve, drejtori i Përgjithshëm i RTSH-së, nuk lejohet të jetë anëtar i partive apo shoqatave politike, nuk lejohet të jetë kandidat për deputet, apo të jetë zgjedhur i tillë gjatë dy legjislaturave të fundit.

Një kriter tjetër është se nuk lejohet të jetë person që ka në pronësi pjesë kapitali apo aksione të shoqërive tregtare si dhe të drejta të tjera në fushën e transmetimeve audiovizive, reklamës, prodhimeve të përmbajtjes së transmetimeve audiovizie.

Gara për kreun e RTSH-së/ Zbulohen emrat e 6 kandidatëve

Gara për kreun e RTSH-së/ Zbulohen emrat e 6 kandidatëve

Më herët CNA ka zbuluar se në krye të Radio Televizionit Shqiptar do të vendoset gazetari miliarder, Alfred Peza.

Alfred Peza është gazetari i 1 milion dollarëve aksione bankare.

Për një periudhë të shkurtër, nga një gazetar, Peza u kthye në një njeri që blinte aksione me qindra miliona lekë. Në vetëm 18 muaj, 4 apo 5-fishoi pasuritë e tij.

Si i shpëtoi burgut moralisti 1 milion dollarësh?

Në vitin 2017, Gjykata e Krimeve të Rënda hoqi sekuestron e pasurisë së ish-deputetit socialist, Alfred Peza, pasi Prokuroria kishte kërkuar sekuestron e pasurisë prej 1.1 mld lekësh.

Kujtojmë se prokuroria në mënyrë të përsëritur i ka kërkuar në atë kohë ish-deputetit Peza, që të paraqiste dokumente justifikuese në lidhje me pasurinë që dispononte.

Hetimi filloi kryesisht nga Prokuroria e Përgjithshme pas informacioneve e dokumenteve të publikuara në media në lidhje me pasurinë e ish-deputetit të PS-së, Alfred Peza./ CNA.al





Lajmet e fundit nga