web counter
LEXO PA REKLAMA!

SHKARKO APP

App Store
Google Play

Dako, në "arrest me burg"/ Avokati Ismaili: Nuk u paraqit asnjë provë nga prokuroria

8 Qershor 2023, 18:12, Aktualitet CNA

Dako, në "arrest me burg"/ Avokati Ismaili: Nuk u paraqit

GJKKO caktoi masën e sigurisë “arrest me burg” për ish-kryebashkiakun e Durrësit, Vangjush Dako, ndërsa avokati i tij Petrit Ismaili e ka kundërshtuar këtë vendim.

Në një prononcim për mediat, Ismaili u shpreh se i ka kërkuar Gjykatës së Posaçme ndryshimin e masës së sigurisë për ish kryebashkiakun e Durrësit.

Sipas tij, prokurori i çështjes nuk paraqiti asnjë provë që të justifkonte masën e dhënë për ish kryebashkiakun e Durrësit.

Ismaili theksoi se ish kryebashkiaku i Durrësit nuk mund të mbajë përgjegjësi për strukturën organike.

“Vendimi për mendimin tonë është në dispropocion për kohën e kryerjes. Dako po hetohet për një fakt penal historik. Ka 10-12 vjet që pretendohet për veprën penale, po t’i referohemi dispozitave për këto lloj masa sigurimi kërkohet një veprim procedurial i ngutshëm për të marrë këtë masë. Vevepra penale ka mbi 10-12 vjet. Prokurori nuk tregoi asnjë provë për këtë veprim të ngushtshëm e asnjë provë për të justifikuar kushtet e kriteret e masës së sigurisë.

Kërkesa jonë është ndryshimi i masës së sigurisë. Dako e ushtron aktivitetin e tij si kryetar bashkie nëpërmjet organeve kolegjiale si dhe nëpërmjet strukturave organike të miratuara. Çdo strukturë  ka përcaktuar detyrat dhe nuk mund të mbajë kryetari përgjegjësi për strukturën organike që ka në vartësi.

Edhe gjatë gjykimit sidomos për veprën e dytë doli qartë që është lapsus i prokurorisë. E pranoi lapsusin dhe do e provojmë që vepra penale nuk ekziston”, nënvizoi avokati./ CNA.al





Lajmet e fundit nga