web counter
LEXO PA REKLAMA!

SHKARKO APP

App Store
Google Play

“Ryanair”, në Shqipëri/ Rama: Kemi marrë një vulë të rëndësishme

8 Qershor 2023, 19:21, Aktualitet CNA
“Ryanair”, në Shqipëri/ Rama: Kemi marrë një
Kryeministri Edi Rama

Kompania ajrore “low cost”, “Ryanair” është shtuar në aeroportin e Rinasit dhe do të operojë në vendin tonë drejt 17 destinacioneve.

Gjatë inaugurimit, kryeministri Edi Rama tha se ardhja e “Ryanair” tregon që Shqipëria ka marrë një vulë të rëndësishme.

Ai theksoi se kjo është arritur pas një përpjekjeje të gjatë për të ndryshuar imazhin e Shqipërisë dhe gjërat që e krijojnë imazhin.

“Për këtë arsye jam sot këtu sepse ardhja e ‘Ryanair’ me 17 destinacione nga Tirana nëpër Europë tregon që ne kemi marrë një vulë të rëndësishme, e cila vjen pas një përpjekje të gjatë për të ndryshuar katërcipërisht jo vetëm imazhin e Shqipërisë, e cila sot është në të gjitha mediat ndërkombëtare si vendi që duhet vizituar, por për të ndryshuar shumë gjëra që lidhen pikërisht pastaj me krijimin e këtij imazhi. Se Shqipëria e ka pasur detin po kaq të bukur edhe 10 vite më parë. Ka pasur diellin po kaq me shkëlqim edhe 10 vite më parë. Por për fat të keq nuk ka pasur asgjë tjetër për të mundësuar që të gjithë nga të katër anët e botës të mund të vijnë në Shqipëri”, deklaroi kreu i qeverisë./ CNA.al





Lajmet e fundit nga