web counter
LEXO PA REKLAMA!

SHKARKO APP

App Store
Google Play

E fundit!

x

Një tjetër kompani “low cost” i shtohet Shqipërisë/ “Ryanair” do të operojë në Aeroportin e Rinasit

8 Qershor 2023, 19:10, Aktualitet CNA
Një tjetër kompani “low cost” i shtohet
Drejtuesi ekzekutiv i “Ryanair”, Eddie Wilson

Në Aeroportin Ndërkombëtar të Tiranës “Nënë Tereza” është shtuar një tjetër kompani ajrore.

Tashmë në këtë aeroport do të operojë edhe kompania irlandeze “low cost”, “Ryanair”.

Drejtuesi ekzekutiv i “Ryanair”, Eddie Wilson, tha se kompania do të ketë 17 itinerare të reja në një periudhë afatshkurtër.

Ai theksoi se “Ryanair” do të realizojë 200 fluturime në javë dhe do të transportojë të paktën 2 milionë pasagjerë vetëm gjatë vitit të parë.

“Njerëzit kanë pyetur përse kërkon kaq kohë të vijmë në Shqipëri dhe unë mendoj që përgjigja qëndron në një sërë çështjesh. Qeverisë iu desh të ulte taksat në koston e aksesit dhe kjo është kaq e rëndësishme, sepse aeroporti konkuron me çdo aeroport tjetër në Europë. Unë mendoj që objektet mjaft efikase që u realizuan nga ‘Kastrati Group’, sot janë natyrisht një shembull për Europën e ndërtuar në fakt në një kohë rekord dhe dua t’ju shtrij dorën për këtë arritje fantastike. Kemi po kështu një ekonomi në rritje këtu. Erdhëm në qytet mbrëmë dhe energjia e asaj çka po bëhet në këtë vend është e prekshme.

Udhëtimi ajror nuk është privilegj i disave është një nevojë absolute, sidomos për ekonomitë në rritje. Dhe mund t’ju them që si pionierët e fluturimeve me kosto të ulët në Europë gjatë këtyre 35 viteve, vendi ynë, Irlanda, është transformuar tërësisht nga kjo. Jo vetëm në kuadër të turizmit, por edhe të mënyrës sesi njerëzit do të vijnë dhe do të shkojnë, etj. Mendoj që kjo është një pikënisje fantastike sot këtu. ‘Ryanair’ sot në një periudhë afat shkurtër do të ketë 17 itinerare të reja, do të kemi 200 fluturime në javë dhe do të transportojnë të paktën 2 milionë pasagjerë gjatë vitit të parë të operacioneve tonë”, theksoi drejtuesi ekzekutiv i kompanisë ajrore./ CNA.al





Lajmet e fundit nga