web counter
LEXO PA REKLAMA!

SHKARKO APP

App Store
Google Play

Paralajmëron ambasadori britanik/ Këtë verë do ketë “valë” emigrantësh

8 Qershor 2023, 21:51, Aktualitet CNA
Paralajmëron ambasadori britanik/ Këtë verë do ketë
Ambasadori i Britanisë së Madhe, Alastair King-Smith

Ambasadori i Britanisë së Madhe, Alastair King-Smith, parashikoi një “valë” emigrantësh shqiptarë drejt Anglisë gjatë kësaj vere.

Alastair King-Smith tha në një intervistë me Sokol Ballën se nga një sondazh i kryer në kukës, ka rezultuar se 39% e qytetarëve donin të largoheshin.

“Besoj se të gjithë e dinë se fatkeqësisht, gjatë muajve të verës moti e bën më të mundur udhëtimin me gomone. Kështu, të gjithë po parashikojnë një ‘valë’ të dytë dhe ky nuk është më lajm. Të gjithë po e presin diçka të tillë. Pyetja më e rëndësishme për ne është sa e madhe do të jetë kjo valë.

Faktikisht, keni të drejtë, anketa është porositur nga Ambasada Britanike. Nuk kishte të bënte realisht me pyetjen nëse njerëzit do të shkojnë në MB apo jo. Synimi kishte të bënte me faktin që po investojmë shumë në veri, në rajonin e Kukësit dhe duke u shtrirë edhe në rajonin e Dibrës. Kjo anketë u bë në Qarkun Kukës, në 1.200 familje për të identifikuar aspiratat e njerëzve. Interesat e tyre. Dhe më pas për të hulumtuar çështjet e migracionit dhe nëse kanë plane të migrojnë. Dhe rezultatet treguan se 39% e të anketuarve ishin të sigurt se do të largoheshin. Dhe më shumë se gjysma e tyre synonte të shkonte në Mbretërinë e Bashkuar”, u shpreh ai.

Ambasadori deklaroi se sipas sondazhit, 35% e të rinjve të grupmoshës 14-29 vjeç kishin plane konkrete emigracioni.

“Janë faktikisht 35% e të rinjve të grupmoshës 14-29 vjeç që kishin plane konkrete migracioni, Pra janë 35%!  Dhe më shumë se gjysma e tyre synonin të udhëtonin drejt Mbretërisë së Bashkuar. Këto janë shifrat e dhëna nga anketimi në fjalë. Vetëm një anketë është ama. Nuk besoj se kjo është befasuese për mua. E dinim që njerëzit në këto zona kanë lidhje familjare në MB. Kam qenë në shkolla në Has dhe në zona të tjera. Kur kam folur me të rinjtë shumë prej tyre më kanë thënë se disa prej tyre e kanë vendosur se do ikin me patjetër”, theksoi King-Smith./ CNA.al





Lajmet e fundit nga