web counter
LEXO PA REKLAMA!

SHKARKO APP

App Store
Google Play

E fundit!

x

Policia Rrugore, me “dorë të hekurt” ndaj shoferëve/ “Kërcasin” gjobat

11 Qershor 2023, 14:16, Aktualitet CNA
Policia Rrugore, me “dorë të hekurt” ndaj shoferëve/
Foto ilustruese

Policia, me anë të një njoftimi zyrtar, bën me dije masat e marra nga Policia Rrugore gjatë javës kundrejt shoferëve që kanë shkelur Kodin e Qarkullimit Rrugor.

Nga monitorimi i vazhdueshëm dhe intensiv Policia njofton se javën që lamë pas janë arrestuar 16 shtetas që drejtonin automjetin përkatës në gjendje të dehur.

Ndër të tjera në deklaratën e policisë pasqyrohet dhe numri i lartë i masave adminstrative të dhëna për përdorim të celularit në timon, mosvendosje të rripit të sigurimit.

“Vijojnë kontrollet e shtuara në të gjitha akset rrugore, për evidentimin dhe ndëshkimin e shkelësve të rregullave të qarkullimit që janë rrezik potencial për përfshirje në ngjarje rrugore si dhe për rritjen e parametrave të sigurisë rrugore, në kryeqytet.

Gjatë javës që lamë pas 16 shtetas janë arrestuar dhe proceduar për drejtim automjeti, në gjendje të dehur, pa leje drejtimi, dhe për shkelje të rregullave të qarkullimit rrugor.

Janë ndëshkuar me masë administrative 702 drejtues mjetesh, për përdorim të celularit gjatë drejtimit të mjeteve.

309 drejtues mjetesh janë ndëshkuar për mosdhënie përparësie këmbësorëve, në vija të bardha.

2,567 drejtues mjetesh janë ndëshkuar për mosvendosje të rripit të sigurimit.

Janë vendosur 297 masa administrative, për mosvendosje të kaskës mbrojtëse, nga drejtuesit e motomjeteve.

Janë vendosur 297 masa administrative, për Parakalime të gabuara.

Janë bllokuar 17 automjete", njofton policia./ CNA.al





Lajmet e fundit nga