web counter
LEXO PA REKLAMA!

SHKARKO APP

App Store
Google Play

E fundit!

x

Berisha akuza të forta: Rama transporton tonelata drogë me avionin e tij privat

22 Shkurt 2024, 19:26, Aktualitet CNA
Berisha akuza të forta: Rama transporton tonelata drogë me avionin e
Ish-kryeministri Sali Berisha

Ish-kryeministri Sali Berisha ka hedhur akzua të forta ndaj kryeministrit Edi Rama, duke thënë se me avionin e tij privat ka udhëtuar 3-7 herë më shumë se çdo kryeministër në Europë, Azi, Afrikë dhe Oqean.

Berisha ka deklaruar se, Rama transporton tonelata me drogë dhe euro të vjedhura.

“Edi Rama me avionin e tij privat, rezulton se ka udhëtuar 3 gjer në 7 herë më shumë se çdo kryeministër në Europë, Azi, Afrikë dhe Oqeani.

Çfarë janë këto udhëtime? Janë një pjesë për punë. Të tjerat janë udhëtime transporti.

Gjerësisht thuhet se me ‘Ismailin’ e tij, se i ka vënë emrin e Ismail Qemalit ky hajdut që ka vetëm veten shok në histori, transportohen tonelata drogë.

Transportohen tonelata euro të vjedhura. Transportohen tonelata narkoeuro.

Ndaj dhe në 18 muaj, 140 udhëtime.

Ndaj dhe emërohet Taulant Balla për të shkatërruar TIMS-in në mënyrë që të mos gjenden gjurmët e këtyre udhëtimeve.

Por ja ku ia them këtu, se ai do hetohet për secilin prej këtij udhëtimi.

Dhe miqtë e mi, ka një statistikë të tmerrshme. Thonë se nga Shqipëria niset valixhe diplomatike më shumë se nga 30 vende të marra së bashku.

Kjo sepse valixhet diplomatike të Ismailit transportojnë drogë, krim, krim, drogë.

Ndaj dhe gjyqi publik, prokurori publik është rruga e vetme për të damkosur këta hajdutë që vjedhin dhe fshehin me Skapin e tyre, me drejtësinë e tyre.

Sonte jam këtu t’i them Edi Ramës se nuk ka forcë në botë që të shpëton nga drejtësia.

Se krimi yt në Shqipëri dhe botë do ndëshkohet me forcën më të madhe të ligjit", tha Berisha./ CNA





Lajmet e fundit nga