E fundit!

14:05 Politikë

Zhupa-mazhorancës: Rrëzimi i shfuqizimit të ligjit 21/2024 iu duhet për të realizuar projektet turistike

Deputetja demokrate, Ina Zhupa, hodhi sot akuza në drejtim...

RYCO hap thirrjen e dytë për individë dhe Organizata në fushën e artit dhe kulturës

11 Mars 2024, 16:50, Aktualitet CNA

RYCO hap thirrjen e dytë për individë dhe Organizata në

Punëtori mbi Video Animacion - Projekt i Mural Fest, i mbështetur në Thirrjen e Parë të Hapur

Fondi Kulturor Rinor i Ballkanit Perëndimor sjell mundësi të reja për artin në veprim për të kontribuar në mirëkuptimin e ndërsjellë dhe paqen e qëndrueshme

Pas përfundimit me sukses të Thirrjes së Parë të Hapur, e cila mbështeti 29 individë dhe organizata nga rajoni i Ballkanit Perëndimor, projektet e të cilëve mbuluan të gjithë spektrin e shprehjes kulturore dhe artistike - nga muzika, letërsia dhe arkitektura, deri te projektet në fushën e trashëgimisë kulturore, dizajn, modë, arte vizuale dhe interpretuese, Zyra Rajonale për Bashkëpunim Rinor (RYCO) fton individët dhe organizatat që të aplikojnë për Thirrjen e Dytë të Hapur dhe të kontribuojnë në bashkëpunimin dhe pajtimin rajonal përmes aktivizmit kulturor.

Fondi Kulturor Rinor i Ballkanit Perëndimor është një projekt shumëvjeçar i RYCO-s, i financuar nga Ministria e Punëve të Jashtme të Republikës Federale të Gjermanisë dhe mbështetet nga qeveritë e Ballkanit Perëndimor. Projekti ka për synim praktikuesit e kulturës dhe organizatat e shoqërisë civile në fushën e kulturës, duke synuar të mbështesë aktivizmin kulturor rinor dhe zgjidhjet kreative në përgjigje të çështjeve aktuale sociale dhe politike në rajon.

Projektet e realizuara me sukses nga cikli i mëparshëm i projektit janë treguesit më të mirë të kontributit kulturor dhe artistik në rritjen e bashkëpunimit rajonal, dialogut ndërkulturor dhe ndërtimit të paqes dhe shërbejnë si motiv për vazhdimin e aktiviteteve në thirrjen e re të hapur.

Shfaqja e modës e artistëve nga Sarajeva dhe Beogradi - Projekti i Rrugës së Mëndafshit të Ballkanit Perëndimor i mbështetur në Thirrjen e Parë të Hapur

“Të qenurit pjesë e këtij projekti na lejoi të krijojmë një lidhje mes artistëve nga Sarajeva dhe Beogradi, gjë që e ka treguar veten në punën e mrekullueshme të përbashkët gjatë eventit tonë final, një sfilate mode. Nëpërmjet këtij aktiviteti, ne synuam shkëmbimin e kulturave dhe qasjeve të cilat kanë qenë të rëndësishme për krijimin artistik gjatë historisë, dhe luajnë një rol integral në krijimin e lidhjeve dhe rrjeteve të stilistëve dhe aktivistëve të rinj në të gjithë rajonin e Ballkanit Perëndimor” – ndau me entuziazëm një nga përfituesit, Jana Zarkovic.

Njësoj si në thirrjen e mëparshme, mundësia e grantit për individët në Thirrjen e Dytë është 3,000 EUR, ndërsa OJF-të mund të aplikojnë për grante deri në 6,000 EUR. Më shumë informacion për procesin e aplikimit janë në dispozicion në faqen e internetit të RYCO-s www.rycowb.org.

Duke aplikuar dhe marrë pjesë në projekte, të rinjtë fitojnë një mundësi unike për të qenë të zëshëm dhe për të ndarë pikëpamjet e tyre për çështje të ndryshme sociale përmes shprehjes kreative.

Individët, praktikuesit e kulturës dhe organizatat e shoqërisë civile në fushën e kulturës nga Ballkani Perëndimor mund të dorëzojnë aplikime për thirrjen e dytë publike nga data 11 mars deri më 11 prill 2024.