web counter
LEXO PA REKLAMA!

SHKARKO APP

App Store
Google Play

Pse Edi Rama duhet të shkojë në fillore

9 Mars 2024, 20:09, Aktualitet CNA
Pse Edi Rama duhet të shkojë në fillore
Kryeministri Edi Rama

Kryeministri Rama, gjatë fjalës së tij të mbajtur sot në Shkodër, ku kishte mbledhur kryebashkiakët dhe kabinetin e tij, duke folur për ligjin e Zonave të Mbrojtura ka theksuar se, Rilindja i ka pastruar fytyrën e mbuluar nga balta dhe llumi Shqipërisë.

Askush nuk ka gojë t’i japë leksione qeverisë për çështjen e qasjes ndaj mjedisit dhe kulturës. Dhe ne kemi vënë zona në mbrojtje ka theksuar Rama.  Ky është teksti.

“Për zonat e mbrojtura është një temë që e kam përzemër dhe më bën të dua të qesh shumë, se çfarë është bërë në Shqipëri këto 10 vite për të mbrojtur natyrën, për t’i pastruar Shqipërisë fytyrën e mbuluar nga balta dhe llumi, por më bëjnë të them që askush nuk ka gojë të na japë leksione, për çështjen e qasjes ndaj mjedisit, kulturës. Ne kemi vënë zona në mbrojtje”, tha kreu i qeverisë.

Në fakt, pas këtij teksti Ramës ka një përgjigje të madhe për t’i dhënë.

Po është e vërtetë. Ndaj mjedisit ka patur një politikë shkatërruese 10-vjeçare të qeverisë socialiste ku është firmosur një kontratë për një landfill në Tiranë me një incenerator që mungon, 1 miliard eruo nga të cilat 300 milionë euro nga qeveria vetëm për Bashkinë e Tiranës.

Qindra mijëra euro të tjera nga bashkitë e qarkut të Durrësit dhe rreth 500 milionë euro ndoshta dhe më tepër nga të ardhurat që kompania duhet të xhironte nga mbledhjet e dherave apo nga shitja edhe përpunimi i mbetjeve.

Nga ana tjetër një incenerator në Elbasan, 24 milionë euro që ka shkuar për lesh. Nuk punon.

Turbinë me defekt, impianti elektrik i prishur, herë ka prodhuar 70-80 MËh energji, ka dy vjet nuk bën asgjë. Mbetjet në Elbasan i pamë në verë u dogjën.

Nga ana tjetër inceneratori në Fier nuk ka përfunduar do dhe 3 milionë euro. Është marrë me qira landfilli, situatë emergjente prap në Elbasan, situatë emergjente në Fier , situatë emergjente në Tiranë, megjithëse qeveria ka paguar tashmë vlera po shkon afër 200 milionë euro.

Këtu mos harrojmë dhe mjedisin e madh të kryeministrit tonë me landfillin e Vlorës apo mbetjet e hedhura rrugës në Orikum.

Në qoftë se këto janë strategjitë e mjedisit të kryeministrit ku hidhen në 10 vjet qindra miliona euro, njëherë me inceneratorë, pastaj kthehen në landfille dhe në Fier plehrat digjen, në Vlorë digjen, në Elbasan digjen, në Orikum i gjen në rrugë, në Kamëz ka një landfill të frikshëm dhe për bashkitë e qarqeve të Shqipërisë është tmerr. Plehrat hidhen si në mesjetë.

Këto janë politikat e mjesidit që askush mos i japë kryeministrit leksione se në rast se janë këto , atëherë kryeministri ka nevojë jo të marrë leksione, por kryeministri ka nevojë të shkojën në fillore./ CNA

 





Lajmet e fundit nga