web counter
LEXO PA REKLAMA!

SHKARKO APP

App Store
Google Play

E fundit!

x

A ka marrëveshje mes mazhorancës dhe opozitës?/ Rama thyen heshtjen

9 Mars 2024, 17:02, Aktualitet CNA
A ka marrëveshje mes mazhorancës dhe opozitës?/ Rama thyen
Kryeministri Edi Rama

Kryeministri Edi Rama ka folur për lajmet që kanë qarkulluar së fundi se mes mazhorancës dhe opozitës po zhvillohen marrëveshje dhe negociata në lidhje me ngritjen e Komisioneve Zgjedhore dhe Reformës Zgjedhore.

Rama u shpreh se mazhoranca nuk ka refuzuar dhe nuk ka shkelur asnjë të drejtë për ngritjen e Komisioneve Hetimore.

Ai theksoi se kjo është një e drejtë e opozitës, por duhet të jetë brenda kornizës së zbatimit të ligjit Kushtetues.

Në lidhje me këtë sipas tij nuk ka nevojë për asnjë marrëveshje apo negociata.

“Unë realisht nuk arrij ta kuptoj nëse ata të cilët komentojnë marrëveshjen për ngritjen e disa komisioneve hetimore nuk kuptojnë apo bëjnë sikur nuk kuptojnë pasi ne e kemi thënë, ne nuk kemi refuzuar dhe nuk kemi shkelur asnjë të drejtë për ngritjen e Komisioneve Hetimroe.

Kemi refuzuar të miratojmë inciativën që në emrin e komisionit hetimor të shkelet ligji kushtetues.

Kjo nuk është çështje marrëveshje apo negociatash. Opozita ka të drejtë të ngrejë një komision hetimor por duhet të jetë brenda kornizës të kushtetuese. Nuk ka nevojë për marrëveshje, negociata. Nuk ka lidhje me asgjë tjetër”, tha Rama.

Sa i përket Reformës Zgjedhore, Rama i shtrin dorën opozitës duke thënë se mund të japin propozimet e tyre dhe më pas do të votohet.

“Sa i përket komisionit të Reformës Zgjedhore, praktikë e cila ka dalë nga konteksti i kohës ku jetojmë. Të paktë ne të PS ne do i lëmë propozimet në tryezë midis tyre, nëse duan të lënë propozimet e tyre mund t’i lënë. Nëse do ketë vota bëhen nëse jo  s’bëhet”, u shpreh Rama./ CNA





Lajmet e fundit nga