web counter
LEXO PA REKLAMA!

SHKARKO APP

App Store
Google Play

Ndarja nga jeta e ish-ministrit/ Berisha: Humbje e rëndë dhe e pakompensueshme  

8 Mars 2024, 17:32, Aktualitet CNA
Ndarja nga jeta e ish-ministrit/ Berisha: Humbje e rëndë dhe e
Ish-kryeministri Sali Berisha

Ish-kryeministri Sali Berisha ka reaguar për ndarjen nga jeta të ish-ministrit dhe të ish-deputetit Kosta Barka.

Nëpërmjet një mesazhi ngushëllues, Berisha kujton se Barka ishte një demokrat i vendosur, një personalitet i aftë, i ndershëm, i respektuar që fitoi besimin e të gjithë zgjedhësve të tij në Gjirokastër dhe i përfaqësoi me përkushtim në parlamentin e Shqipërisë.

Berisha shkruan se ndarja e tij nga jeta është një humbje e rëndë dhe e pakompensueshme.

“Kosta Barka mbylli sytë përgjithmonë.

Të dashur miq, Kosta Barka, ish-ministër i Punëve dhe Çështjeve Sociale dhe Deputet i Partisë Demokratike për Qarkun e Gjirokastrës mbylli sytë përgjithmonë!

Ky është një lajm i hidhur për familjen, miqtë e tij por edhe për Dropullin, Gjirokastrën, Partinë Demokratike dhe Shqipërinë.

Kosta Barka ishte bashkëshort, prind dhe qytetar shembullor. Ai ishte një demokrat i vendosur dhe personalitet i aftë, i ndershëm i respektuar që fitoi besimin e zgjedhësve të tij në minoritet dhe Gjirokastër dhe i përfaqësoi ata me përkushtim të veçantë në Parlamentin e vendit. Kosta Barka kreu me nder, aftësi dhe efiçencë të plotë detyrën e ministrit në qeverinë e koalicionit të Partisë Demokratike dhe mbeti deri në fund të jetës së tij një veprimtar i shquar dhe i palodhur i saj.

Duke shprehur nderimin tim më të madh dhe mirënjohjen më të thellë për kontributin e çmuar të tij dhe bashkëpunimin tonë të ngushtë që kami patur, unë shpreh ngushëllimet e mia më të ndjera familjes së tij të nderuar, miqve, të afërmve, komunitetit të Dropullit dhe Gjirokastrës për humbjen e rëndë dhe të pakompensueshme dhe lutem së bashku me ta që shpirti i madh i Kosta Barkës të gjejë paqen e merituar. Amin!”, shkruan Berisha në mesazhin e tij./ CNA





Lajmet e fundit nga