web counter
LEXO PA REKLAMA!

SHKARKO APP

App Store
Google Play

CNA kërkon transparencë/ Pyetjet pa përgjigje nga RTSH-ja

8 Mars 2024, 14:28, Aktualitet CNA
CNA kërkon transparencë/ Pyetjet pa përgjigje nga RTSH-ja
Fotomontazh - Alfred Peza dhe Leka Bungo

Abuzimet në Festivalin e 62-të të Këngës në Radio Televizionin Shqiptar kanë qenë një nga çështjet e denoncuara nga CNA prej disa javësh.

Ky festival shkonte deri në 600 milionë lekë, shifër kjo nga lindën dyshimet për abuzime të krerëve të televizionit shtetëror me fondet. Drejtuesit e RTSH-së kishin miratuar pagesa shtesë për mjete me qira, për këngët konkurruese, për të ftuarit dhe për skenografinë.

CNA kërkon transparencë/ Pyetjet pa përgjigje nga RTSH-ja
RTSH

Marrë shkas nga kjo, CNA Media i është drejtuar Radio Televizionit Publik Shqiptar me tri kërkesa të vazhdueshme. Fillimisht kreut të institucionit, zotit Alfred Peza, më pas edhe kryetarit të Këshillit Drejtues, zotit Leka Bungo, në lidhje me fondet që ka përdorur ky institucion për Festivalin e RTSH-së, si dhe të Drejtat e Transmetimit që ka televizioni publik.

Sot CNA Media ka dërguar shkresën e radhës për zotin Peza dhe zotin Bungo në lidhje me shpenzimet e Festivalit të Këngës, të cilat në edicionin e 62-të ishin 140 milionë lekë më shumë në krahasim me edicionin e kaluar.

Kërkesa e katërt vjen pas përgjigjes nga Komisioneri për të Drejtën e Informimit, i cili i dha të drejtë CNA-së për të marrë të dhënat zyrtare, ndërkohë që u bëri të ditur drejtuesve të RTSH-së, Peza dhe Bungo, se me këtë veprim kanë shkelur ligjet në fuqi për të Drejtën e Informimit.

Komisioneri urdhëroi drejtuesit e RTSH-së që të mos fshehin informacionet për shpenzimet dhe të kthejnë një përgjigje zyrtare për CNA-në dhe për këdo që kërkon informacion.

Ky urdhër vjen pas shumë përpjekjesh të CNA-së për të bërë transparencën e një institucioni që paguhet me taksat e shqiptarëve, gjë që e bën akoma më të detyrueshme dhënien e çfarëdolloj informacioni.

CNA kërkon transparencë/ Pyetjet pa përgjigje nga RTSH-ja
Leka Bungo dhe Alfred Peza

Kujtojmë se Alfred Peza e shmangu përgjigjen për shpenzimet e Festivalit të Këngës dhe u fsheh mes rreshtash duke u justifikuar se Bordi ka vendosur ndryshe.

Nga ana tjetër, Leka bungo heshti ndaj çdo kërkese dhe refuzoi transparencën. Në vend që të përgjigjej, ai sulmoi dhe akuzoi CNA-në për raportimet korrekte në lidhje me abuzimet në RTSH.

Tashmë përgjigjen e morën nga ligji. Ndaj CNA dërgon kërkesën e radhës duke shtruar pyetjet që Peza dhe Bungo nuk iu përgjigjen dhe fshehin dokumentacionin.

Jemi në pritje të një përgjigjeje nga ana e Alfred Pezës dhe Leka Bungos, të cilët e kanë detyrim ligjor të tregojnë se si u shpenzuan paratë e taksapaguesve shqiptarë./ CNA





Lajmet e fundit nga