VIDEO-Dalin pamjet e aksionit në Vlorë/ Momenti ku zbulohet strofulla e arsenalit të armëve

7 Mars 2024, 20:20, Aktualitet CNA

VIDEO-Dalin pamjet e aksionit në Vlorë/ Momenti ku zbulohet strofulla

Policia e Vlorës ka publikuar pamjet e aksionit policor të koduar “Knock Out 6”, i zhvilluat në kuadër të zbatimit të masave në kuadër të planir operacional kombëtar të koduar “Sundimi i ligjjt”, me qëllim parandalimin e ngjarjeve të mundshme me pasoja të rënda kriminale, gjatë të cilit u godit një bazë armatimi që furnizonte grupet kriminale me armë, në qytetin e Vlorës.

Ashtu siç shihet nga pamjet në aksion kanë marrë pjesë forcat RENEA, të cilët kanë zbuluar dhe strofullën ku ishin fshehur arsenali armëve të sekuestruara.

Armët janë fshehur në papafingon e një banese në Babicë.

Drejtori i Policisë së Qarkut Vlorë, Ermal Muça dha detaje në lidhje me operacionin e kryer në Babicë ku bëri me dije se është arrestuar një person, shtetasi L.D, i cili dyshohet se është pjesë e një grupi kriminal.

Sipas policisë, ky person ka lidhje me dy ngjarje kriminale të ndodhura në Vlorë kohë më parë.

Armët e sekuestruara

1. Një armë zjarri snajper e kalibrit 7.62 mm, e montuar në gjendje luftarake, me silenciator (zhurmëmbytës);

2. Pjesë përbërëse të armëve luftarake, për formimin e 2 armëve të tjera zjarri pushkë snajper;

3. Një armë zjarri pistoletë, e markës “Zastava” kalibri 10 mm, dhe 2 krehra me fishekë të po këtij kalibri;

4. Një armë pistoletë-stilolaps me ngjyrë bronxi dhe një sasi prej 40 fishekësh të kalibrit 5.6 mm;

5. Një armë e futur në këllëf, e kalibrit 12 mm, prodhim Rus;

6. Dy kuti plastike me material ndihmëse për mirëmbajtjen e armëve snajper;

7. Minë e përshtatur me celular dhe eksploziv plastik, si dhe shtatë kallëpe me lëndë eksplozive plastik të kapaciteteve 200 dhe 400 gr;

8. Katër silenciatorë me trup metalik me ngjyrë të zezë për armë të gjata;

9. Një dylbi optike termike me ngjyrë ushtarake, me gjatësi 41 cm me shikueshmëri natën;

10. Katër dylbi optike si ato që vendosen në armët e zjarrit për shënjestër në largësi;

11. Dy palë dylbi optike vëzhgimi;

12. Akesorë plotësues për shënjestra optike të armëve të zjarrit;

13. Një kuti plastike me ngjyrë të zezë, brenda së cilës gjenden 200 copë fishekë kalibri 9 mm.

14. Një sasi e madhe fishekësh të kalibrit 7.65 mm dhe 45 krehra automatiku fishekë të kalibrit 7.62, model 56 dhe një sasi e madhe fishekësh të po këtij kalibri;

15. Nje sasi e madhe fishekësh kalibri 12 mm;

16. Disa mijëra fishekë luftarakë të kalibrave të ndryshëm, ndezësa granatash dore;

17. Disa celëularë që do t’i nënshtrohen ekspertizës;

18. Një radio marrëse-dhënëse, me mbishkrimin, me karikuesin e saj në valë të DVP Vlorë;

19. Një pajisje me antenë;

20. Njësi qëndrore kompjuteri dhe DVR;

21. Një numër i madh targash automjetesh dhe celësash të ndryshëm automjetesh;

22. Disa maska me ngjyre të zeze dhe maska silikoni me formën e kokes se njeriut;

23. Disa fenelina policie dhe veshje te ndryshme./ CNA