web counter
LEXO PA REKLAMA!

SHKARKO APP

App Store
Google Play

“Sulme nga portale anonime”/ Gazetari ngre alarmin: Ajo që po ndodh me Ola Xamën është kriminale

7 Mars 2024, 19:33, Aktualitet CNA

“Sulme nga portale anonime”/ Gazetari ngre alarmin: Ajo që po

Gazetari Isa Myzyraj ka reaguar pas sulmeve nga portalet anonime ndaj gazetares Ola Xama.

Myzyraj shkruan se këto anonime që janë përdorur për shantazhe e presione kanë nisur një fushatë sulmesh të ulta ndaj gazetares, duke përmendur dhe dy prej tyre.

Gazetari thekson se është vepër penale ekspozimi i të dhënave të saj private dhe sulmet e tmerrshme që po iu bëhen familjarëve të saj.

Ai e quan kriminale dhe një alarm për gazetarinë këtë që po ndodh me Ola Xamën.

“Ajo që po ndodh me gazetaren Ola Xama është gati kriminale.

Media që nuk dihen se kush qëndron pas tyre, që janë përdorur në vijimësi për shantazhe e presione, kanë nisur një fushatë sulmesh të ulëta ndaj Olës.

Prapaskena.com ka shqetësuar më herët edhe këshillin e Lartë Gjyqsor për fushatën e tyre të shpifjeve ndaj gjyqyatëve e prokurorëve.

Ky portal anonim ka kryer në vijimësi fushata të ulëta sulmesh edhe ndaj përfaqësuesve të Operacionit Ndërkombëtar të Monitorimit dhe anëtarëve të Komisionit të Pavarur të Kualifikimit dhe KPA-së.

Këtyre sulmeve u është bashkuar edhe gazeta Dita.

Rrjeti i Gazetarëve të Sigurt ka reaguar për këto sulme të ulëta duke shprehur shqetësimin e thellë të më shumë se 8000 profesionistëve në Ballkanin Perëndimor.

“Rrjeti i Gazetarëve të Sigurt shpreh shqetësim të thellë dhe zhgënjim mbi vijimin dhe intensifikimin e fushatës së shpifjeve kundër gazetares Ola Xama, një gazetare investigative në Shqipëri,”

Është vepër penale ekspozimi i adresës së saj private.

Janë të tmerrshme sulmet ndaj familjarëve të saj.

Sigurisht që këto sulme janë tërësisht të motivuara politikisht vetëm pse Ola Xama kryen detyrën e saj!

Ky eshte alarm per gazetarine!”, shkruan gazetari./ CNA





Lajmet e fundit nga