web counter
LEXO PA REKLAMA!

SHKARKO APP

App Store
Google Play

E fundit!

x

DETAJE nga pasuria e Princ Lekës, pas ndarjes i dhuroi Elia Zaharias një banesë

7 Mars 2024, 09:43, Aktualitet CNA
DETAJE nga pasuria e Princ Lekës, pas ndarjes i dhuroi Elia Zaharias
Princ Leka me Elia Zaharia

Ish-këshilltari i familjes mbretërore, Murat Basha, në një emision televiziv ka zbuluar detaje nga pasuria e Princ Lekës. Basha është shprehur se ndërtohet një pallat pas hotel "Dajtit" dhe sipas tij Elia Zaharia ka marrë një pronë të dhuruar nga Princi. 

Ai hedh poshtë akuzat për probleme financiare në martesën e Princ Leka me Elia Zaharian. 

"Nuk e di sa është pasuria sepse për natyrë nuk pyes kurrë për gjëra të tilla. Prona kanë shumë, disa të marra disa të pamarra. Nuk kam ide shifrash, është në gjendje të rehatshme ekonomike, ka jetuar rehat, s’di të ketë probleme financiare. Di që po ndërtohet një pallat pas hotel 'Dajtit', e zonja ka marrë një pronë të dhuruar nga princi".

Basha tregoi më tej se aktualisht Princ Leka aktualisht jeton me qira dhe se pas përfundimit të procesit të divorcit do të vendoset në Pallatin Mbretëror.

Ndërsa sa i takon Elia Zaharias dhe vajzës, të cilat jetojnë ende në Pallatin Mbretëror, më pas do të vendosen në një shtëpi tjetër, që sipas Bashës u është dhuruar nga Princi.

“Ai është në shtëpi të tij, ka lënë ish-bashkëshorten të jetojë në shtëpinë e tij dhe jeton me qira derisa të mbarojë divorci, është djalë i jashtëzakonshëm. Ai është jetim, gjeti mbështetje te bashkëshortja dhe një familje. Ai jeton jashtë oborrit mbretëror, deri ditën kur të zgjidhet dhe ajo të sistemohet në një banesë tjetër, që ia ka dhënë ky bashkë me një biznes”, tha Basha./CNA 





Lajmet e fundit nga