web counter
LEXO PA REKLAMA!

SHKARKO APP

App Store
Google Play

E fundit!

x

Çështja “Beleri”/ Miratohet rezoluta e PPE në kongresin që po mbahet në Bukuresht

6 Mars 2024, 19:47, Aktualitet CNA

Çështja “Beleri”/ Miratohet rezoluta e PPE në

Partia Popullore Evropiane i ka dërguar një mesazh Shqipërisë në lidhje me zbatimin e shtetit ligjor, në lidhje me burgimin e kryebashkiakut të zgjedhur të Himarës, Fredi Beleri.

Në veçanti, në Kongresin e PPE të mbajtur në Bukuresht, Sekretari i Marrëdhënieve Ndërkombëtare i Demokracisë së Re dhe deputeti i Serres, Tasos Hatzivasiliou, paraqitën para seancës plenare një rezolutë të jashtëzakonshme, e cila u votua dhe u miratua nga qendra evropiane.

Në rezolutë përmenden zonat gri të çështjes Beleri dhe theksohet se pas 10 muajsh burg, gjykata shqiptare vetëm dje e dënoi me dy vjet, pa marrë parasysh rrëfimin e dëshmitarit kryesor të çështjes, i cili deklaroi se ishte paguar nga policia shqiptare për të akuzuar në mënyrë të rreme Belerin.

Diçka që, siç theksohet në rezolutë, nuk do të ndodhte kurrë në asnjë gjykatë shteti të BE-së. Rezoluta thekson se Shqipëria, si vend kandidat për anëtarësim në BE, duhet të respektojë rezultatet e zgjedhjeve, të mbrojë të drejtën e qytetarëve për një gjykim të drejtë dhe të mbrojë të drejtat e minoritetit grek.

Gjithashtu nënvizohet se çështja Beleri nuk është çështje dypalëshe por europiane, pasi ka të bëjë me zbatimin e shtetit ligjor dhe respektimin e të drejtave të minoritetit grek./ CNA





Lajmet e fundit nga