web counter
LEXO PA REKLAMA!

SHKARKO APP

App Store
Google Play

E fundit!

x

Avokati i Princ Lekës: Do ta largojmë Elia Zaharian nga Pallati Mbretëror

6 Mars 2024, 15:03, Aktualitet CNA
Avokati i Princ Lekës: Do ta largojmë Elia Zaharian nga Pallati
Elia Zaharia dhe Princ Leka

Avokati i Princ Lekës, Aranit Roshi, ka reaguar në lidhje me sherrin në familjen mbretërore.

Roshi ka deklaruar se Princ Leka është përballur herë pas here me dhunë verbale nga babai i Elias, por dje dhuna ka qenë fizike.

“Ka pasur komunikime nga ana e vjehrrit të vet që kanë qenë joetike dhe deri diku të dhunshme, dhunë verbale. Por asnjëherë të këtij graviteti.

Duke qenë se ishte duke marrë zgjidhje çështja përmes një marrëveshjeje, për të mos e acaruar marrëveshjen, është vlerësuar të fokusohemi te zgjidhja e çështjes me marrëveshje për aq kohë sa palë është Elia. Ata kishin arritur në mirëkuptim për ta zgjidhur çështjen me marrëveshje. Në rastin e djeshëm, veprimeve të dhunshme iu bashkëlidh edhe vetë ish-bashkëshortja, Elia, e cila ishte e përfshirë në dhunën ndaj Princit”, është shprehur ai.

Avokati ka thënë për “Jetë Shqiptare” se deri ditën e djeshme çifti ka pasur konsensus për zgjidhjen me marrëveshje të divorcit.

Ai ka theksuar se tashmë Princ Leka do t'i kërkojë ish-bashkëshortes që të largohet nga Pallati Mbretëror dhe se do t'i sigurojë asaj qiranë në një tjetër banesë.

“Është depozituar kërkesa për zgjidhjen e çështjes me marrëveshje të nënshkruar nga të dyja palët. Të gjitha palët kanë rënë dakord. Nuk ka pasur problematika në lidhje me sistemimin e marrëdhënieve me pasoja që rrjedhin nga divorci, por motivet kanë qenë me mënyrën si e kanë përjetuar zgjidhjen e martesës familjare.

Princi ka kërkuar urdhër mbrojtjeje, ka bërë dhe një kallëzim penal. Ne jemi të gatshëm, ne jemi larguar nga ato, nga banesa dhe i ka krijuar komoditetet Elias për zgjidhjen e martesës, i ka kaluar disa pasuri që t’i sigurojë jetesë dinjitoze. Por tani, ne do kërkojmë që të sigurojmë pagesën e një qiraje që ajo të jetojë diku tjetër dhe të largohet nga Pallati.

Kemi vajtur, kemi bërë kallëzimin dhe kemi kërkuar urdhër mbrojtjeje, dhe pala tjetër është paraqitur më mbrapa. Besoj se dhe Elia për të njëjtat pretendime. E gjithë skena e dhunës është e regjistruar, për arsye etike nuk i kemi publikuar, por i janë vënë në dispozicion policisë dhe aty duket kush ka qenë dhunuesi dhe kush i dhunuari”, ka nënvizuar avokati./ CNA





Lajmet e fundit nga