web counter
LEXO PA REKLAMA!

SHKARKO APP

App Store
Google Play

E fundit!

x

Shkarkimet masive në RTSH/ Tomorri: Alfred Peza, figurë qesharake, zapton poste

5 Mars 2024, 20:09, Aktualitet CNA
Shkarkimet masive në RTSH/ Tomorri: Alfred Peza, figurë qesharake,
Gazetari Klodian Tomorri

Gazetari Klodian Tomorri ka reaguar pas denoncimeve të CNA për largimet nga puna të punonjësve të RTSH-së, nga drejtori i këtij institucioni, Alfred Peza.

Reagimi i Klodian Tomorrit është si një shuplakë për Alfred Pezën “Ramistin e thekur”, siç e quan ai, por tani të pavarur.

Gazetari shkruan se nuk kupton se si nuk del dikush të definancojë TVSH-në, pais njerëzit do të shpëtonin nga një figurë qesharake që zapton poste dhe imponon mediokritet në jetën publike.

“Kjo letra e shkarkimit të regjisorit në RTSH ishte një kryevepër Peqini. A mund të durojë dot Alfred Peza që të cenohet imazhi i RTSH-së? Po si mund ta pranojë ai këtë?

Zoti Peza imazhin e ka të shenjtë dhe nuk bën asnjëherë kompromis. Dhe kjo është e faktuar publikisht. Për shembull në 5 vitet e fundit, zoti Peza është bërë dy herë ramisti më i thekur dhe një herë antiramisti më i egër në Shqipëri.   

Së pari u bë ramist i thekur kur u ul në prehrin e Ramës dhe ky e emëroi deputet në Peqin. Atëherë me sa duket i përputhej vizioni me kryeministrin, veçanërisht kur të dy bashkë bënë atë planin për të binjakëzuar Shkumbinin me Lacion.

Mirëpo kohët ndryshuan. Peqini me Lacion nuk u binjakëzuan dot. Por Rama e prishi hotelin e Irfan Hysenbelliut në Malin e Robit. Ndaj zoti Peza u bë antiramist edhe më i thekur se Sali Berisha.

Kjo punë zgjati shumë pak. Derisa zoti Peza kaloi nga drejtor i Neësit në drejtor i RTSH-së. Kështu tritoli i hotelit u harrua. Antiramizmi po ashtu. Koha për t'u bërë sërish Ramist i thekur, por këtë herë si i pavarur. Ja pra kësaj i thonë të mos bësh kompromis me imazhin.

Por akoma nuk kuptohet se si nuk del një njeri ta definancojë atë TVSH-në. Të paktën njerëzit do të shpetonin jo vetëm nga abuzimi i parasë publike, por edhe nga figura qesharake, që zaptojnë poste dhe imponojnë mediokritet në jetën publike”, shkruan Tomorri./ CNA





Lajmet e fundit nga