web counter
LEXO PA REKLAMA!

SHKARKO APP

App Store
Google Play

E fundit!

x

Përfundon mbledhja/ Kryesia e PD-së voton pro ndryshimeve statutore

5 Mars 2024, 17:25, Aktualitet CNA

Përfundon mbledhja/ Kryesia e PD-së voton pro ndryshimeve statutore

Sapo ka përfunduar mbledhja e Kryesisë së PD-së në selinë blu. Mësohet se janë votuar ndryshimet statutore që do të miratohen në Këshillin Kombëtar të PD-së.

Në kryesi është votuar që Gazment Bardhi të zgjidhet nënkryetar i PD-së.

Në Këshillin Kombëtar pritet të miratohet ky vendim, pasi Gazment Bardhi është kreu i Grupit Parlamentar, i njohur nga shumica e deputetëve dhe pas bashkimit me grupin e Berishës, gati 40 deputetë tashmë janë në unison me një qëndrim dhe përfaqësohen nga Gazment Bardhi.

"Në nenin 47 te statutit të PDSH, pas pikës 2 shtohet pika 3 me përmbajtje si vijon;

Në rast se pas përcaktimit të përbërjes së Kryesisë së PDSH, sipas pikës 1 të nenit 47, deputetë anëtarë të Kryesisë së Grupit Parlamentar të PDSH, nuk rezultojnë anëtarë të saj, këta te fundit kooptohet me vendin Kryesie, si anëtarë të saj me të drejta të plota, deri në përfundimin e mandatit parlamentar, ose zgjedhjen e tyre sipas pikës 1 të nenit 47. Ndërkohë, në nenin 51 të statutit të PDSH, pas pikës 2 shtohet pika 3 me përmbajtje si vijon.

“Në rast se pas zgjedhjes së nënkryetarëve, sipas parashikimeve të nenit 45 rezulton se kryetari i grupit parlamentar të PD-së dhe sipas rastit Nënkryetari/Kryetari i Kuvendit të Shqipërisë nuk janë fitues sipas kësaj procedure, atëherë ata automatikisht konsiderohen nënkryetarë të partisë për shkak të funksionit. Përgjatë këtij mandati secili prej tyre gëzon dhe ushtron të njëjtat të drejta dhe përgjegjësi si nënkryetarët e zgjedhur, për aq kohë sa gëzon funksionin e drejtuesit të grupit parlamentar të PD dhe/ ose atë të Nënkryetarit/Kryetarit të Kuvendit të Shqipërisë”, thuhet në nenin e statutit.

Kujtojmë se Gazment Bardhi dhe ish-kryeministri Sali Berisha vendosën të bahskojnë forcat për të qenë të unfikuar në Kuvend dhe për të luftuar regjimin e qeverisë Rama./ CNA

 





Lajmet e fundit nga