web counter
LEXO PA REKLAMA!

SHKARKO APP

Vendimi për Belerin/ Mbërrijnë në GJKKO avokati dhe Dule, dhjetëra mbështetës pranë gjykatës

5 Mars 2024, 13:04, Aktualitet CNA

Vendimi për Belerin/ Mbërrijnë në GJKKO avokati dhe Dule,

Pritet të nisë në Gjykatën e Posaçme për Korrupsionin dhe Krimin e Organizuar, seanca për kryebashkiakun e zgjedhur të Himarës, Fredi Belerin.

Aktualisht, në ambientet e GJKKO-së, ka mbërritur pak minuta më parë avokati i Belerit. 

Ndërkohë të pranishëm në ambientet e GJKKO-së janë edhe mbështetës të kryebashkiakut të zgjedhur të Himarës, si dhe kreu i PBDNJ-së, Vangjel Dule. 

Pritet që sot të jepet vendimi për kryebashkiakun e zgjedhur të Himarës, i cili akuzohet për blerje votash në zgjedhjet e 14 majit të 2023-shit.

Për Belerin, Prokuroria e Posaçme ka kërkuar dënimin me 2 vite e 6 muaj burg. Ndërsa për të pandehurin tjetër, Fredi Kokaveshi, bashkëpunëtor i Belerit, SPAK ka kërkuar dy vite burgim, të cilat i janë konvertuar në 4 vite shërbim prove.

Kjo masë lehtësuese për Kokaveshin u dha pasi ai ka probleme shëndetësore, si dhe fëmija i tij i mitur ka probleme shëndetësore./CNA 

Vendimi për Belerin/ Mbërrijnë në GJKKO avokati dhe Dule,

 





Lajmet e fundit nga