web counter
LEXO PA REKLAMA!

SHKARKO APP

App Store
Google Play

Anila Hoxha tregon rastin e dy deputetëve që dhunonin gratë: Bënë denoncim

5 Mars 2024, 09:38, Aktualitet CNA
Anila Hoxha tregon rastin e dy deputetëve që dhunonin gratë:
Anila Hoxha

Gazetarja Anila Hoxha në një emisionin televiziv përmendi rastin e dy deputetëve shqiptarë që u denoncuan nga gratë e tyre për dhunë.

Ajo citoi gjyqtarin Adriatik Boxhi, të cilin e kishte ftuar në Podcast, ku i tregoi se çfarë i thanë deputetët kur u përballen me të. Gazetarja tregoi se burrat dhunues i kishin thënë gjykatësit se janë deputetët.

Gazetarja tregoi më tej se të dyja bashkëshortet më pas ishin tërhequr nga kërkesa për urdhër-mbrojtjeje dhe kërkesa ishte pushuar. 

"Gjyqtari Adriatik Boxhi që merret me urdhrat e mbrojtjes më tregoi në Podcast se më kanë ardhur dy deputetë. Më ka ardhur në sallën e gjykatës gruaja që kishte denoncuar dhunuesin dhe ai erdhi pa pikën e turpit e më tha unë jam deputet i parlamentit. Ai po përpiqej të përdorte si pasaportë këtë pozitën e tij, pra unë jam dikushi. Gjyqtari deklaroi dhe vazhdoi më tej arsyetimin 'çfarëdo që të jesh këtu nuk ke imunitet, ke kryer dhunë në familje'. Historiku ishte ky, deputetët nuk ishin larguar nga shtëpia, më pas u interesova për kë bëhej fjalë. Të dyja bashkëshortet më pas ishin tërhequr nga kërkesa për urdhër-mbrojtjeje dhe kërkesa ishte pushuar. Kjo është një fatkeqësi shumë e madhe. Ajo që vërej unë në pjesën më të madhe në gjykatat civile, në 80% të rasteve gratë për shkak të presionit ekonomik, pastaj të presionit të opinionit familjar etj., ato tërhiqen", tregoi gazetarja./CNA 

 





Lajmet e fundit nga