E nise si qesharak, u bëre dhunues

4 Mars 2024, 17:49, Aktualitet CNA

Ky është një vendim i drejtorit të RTSH-së Alfred Peza ndaj regjisorit Ergi Hasku të televizionit publik që e lajmëron atë për zgjidhjen e kontratës.

Arsyeja është një fjali e publikuar në rrjetin social “Instagram”. Drejtori Peza është përpjekur në këtë vendim që të arsyetojë se kjo fjali që vlerëson emisionin e tij, dëmtoi imazhin e RTSH-së, e bazuar sipas tij në Parimet Editoriale të këtij televizioni.

Deri më tani lëvizjet dhe shkarkimet pa kriter të bëra nga Alfred Peza janë konsideruar edhe nga media në spektrin e humorit, sepse në bazë ato kanë patur vonesa në orare, mosparaqitje, e të tjera arsye të cilat lidhur me një televizion i cili krijon në çdo kohë, nuk duhet të kenë vend.

Kriminale/ Alfred Peza heq nga puna nënën e një fëmije me autizëm
29 Shkurt, 09:51

Por në ndihmë atij i vinë emërimet nepotike që i ka bërë vetë, dhe që i shërbejnë për fat të keq vetëm për shkeljet barbare të së drejtës, dhe nga ana tjetër shkaktojnë probleme sociale të rënda për familjet e të pushuarëve pa kriter nga puna.

Hedh në rrugë nënat e fëmijëve me autizëm/ Largimet masive dhe emërime skandaloze
2 Mars, 16:37

Por kjo e fundit nuk lidhet më as me mbarëvajtjen në detyrë, dhe as kthimin e RTSH-së, në një burg mediatik. Kjo lidhet e gjitha me të drejtën dhe lirinë e fjalës, për të cilën shoqëria pikërisht në këtë kohë është duke luftuar më shumë. Dhe në rastin konkret vetëm për të drejtën e fjalës së një regjisori të ri, i cili ka të drejtën të gjykojë mbi programin e tij, dhe jo vetëm.

Kudo në botë në televizion apo kinema ka vetëm një karrige, dhe kjo është karrigia e regjizorit dhe jo e drejtorit. Këtë nuk e kane vendosur as shqiptarët, e kane vendosur shpikësit e saj, duke i dhënë kësisoj frymë ndryshe një televizioni të cilën fatkeqësisht drejtori aktual as nuk e ka kuptuar ndonjeherë dhe as ka për ta kuptuar. Me një profil ushtarak ai di vetëm të dhunojë. Ai ka vetëm një parim të frikshëm drejtimi totalitar i një televizioni publik.

Eshtë e papranueshme i degadrimit të lirisë së fjalës dhe i parimeve themelore të cilat pa dëshirën e Alfred Pezës, shqiptarët i fituan në dhjetorin e 90-ës.

Pikërisht për këtë fjalë të lirë në këtë institucion që drejton ky njeri i përkëdhelur nga pushteti, janë burgosur me dhjetra gazetarë dhe publicistë. Nuk kishte si të ndodhte ndryshe se si një njeri idhtar i monizmit të toleronte një mendim ndryshe.

Punonjësit e RTSH-së, dhe familjet e tyre goditen pa arsye nga shkarkimet dhe masat e tjera "të sajuara", të cilat bëjnë që të tjerët të krijojnë pasiguri dhe ankth në punën e tyre. Dhe për fat të keq për të gjitha këto shkarkime nuk pati asnjë reagim të menjëhershëm nga politikanët. Avokatët do të bëjnë punët e tyre në këto procese, do të fitojnë gjyqet, por kjo ka pak rëndësi, është vetëm çështje ekonomike që buxheti i RTSH-së mund t'i përballojë.

Alfred Peza, shkarkime masive në RTSH
23 Shkurt, 11:41

Alfred Peza e di fare mirë një gjë të tillë. Atij nuk i interesojnë paratë, si një njeri i akuzuar dhe i hetuar për evazion fiskal, si një njeri që familjen për momentin çdo shpenzim ja mbulon qeveria ai ka vetëm një ide në kokë.

Të vendosë diktaturën e Fredit. Kjo nuk është më një çështje juridike, kjo është një çështje parimesh që prekin dhe fyejnë rëndë më së shumti kushtetutën, por jo atë të 76-ës, që ka Peza nën jastëkun e tij./ CNA