web counter
LEXO PA REKLAMA!

SHKARKO APP

App Store
Google Play

E fundit!

x

Shefi i Shtabit: Baza e Kuçovës do t’u përgjigjet kërcënimeve të Aleancës nga Lindja

4 Mars 2024, 10:34, Aktualitet CNA
Shefi i Shtabit: Baza e Kuçovës do t’u përgjigjet
Shefi i Shtabit të Përgjithshëm të Forcave të Armatosura, Arben Kingji

Shefi i Shtabit të Përgjithshëm të Forcave të Armatosura, Arben Kingji, tha se baza ajrore e NATO-s në Kuçovë do t’u përgjigjet kërcënimeve që vijnë nga kufiri jugor dhe lindor i Aleancës.

Kingji deklaroi se baza ajrore do të ndërveprojë me forcat aleate dhe do të japë përgjigje të shpejta ndaj çdo sfide.

“Është një ngjarje e shënuar për FA dhe vetë aleancën. Sot afrohet një vlerë e shtuar në infrastrukturën tonë të mbrojtjes. Në një epokë të karakterizuar nga sfida komplekse nevojat për infrastrukturë të qëndrueshme dhe bashkëkohore është bërë më e nevojshme se kurrë.

Kjo bazë do të luajë një rol të rëndësishëm për t’iu përgjigjur kërcënimeve që vijnë nga kufiri jugor dhe lindor i Aleancës. Njëkohësisht edhe në rritjen e aftësive tona të mbrojtjes kolektive duke promovuar ndërveprimin nëpërmjet forcave aleate dhe duke mundësuar një përgjigje të shpejtë dhe efektive ndaj çdo sfide që mund të lindë. Baza ajrore Kuçovë, e vetmja e këtij lloji në Ballkanin Perëndimor, do të kontribuojë në mundësimin e planit rajonal jugor-lindor në mbështetjen e operacioneve dhe stërvitjeve të Aleancës, patrullimin e hapësirës ajrore, mbështetjen logjistike apo për situata të tjera”, tha Kingji.

Këtë deklaratë ai e bëri gjatë fjalimit të tij në ceremoninë e inaugurimit të bazës ajrore të NATO-s në Kuçovë./ CNA





Lajmet e fundit nga