E fundit!

09:35 Opinione Bujar Leskaj

Bojkoti është gjithnjë gabim

Bojkoti i djeshëm nga Partia Demokratike i seancës plenare...

Luli po qan dhe për SPAK/ Elisa e inceneratorëve i përgjigjet

3 Mars 2024, 17:22, Aktualitet CNA

Lulzim Basha, mashtruesi politik dhe publik ka nisur të qahet për SPAK. Humbësi serial dhe ministri i Ramës në opozitë, i katandisur me 9 apo 10 mercenarë del duke vajtuar për SPAK, se kryeministri ka nxjerrë gërshërët për t’i prerë këmbët dhe duart e drejtësisë.

Kaq i shqetësuar është Luli Basha, mashtruesi politik dhe publik për SPAK, sa i ofron strukturës mbështetjen e tij maksimale dhe të grushtit të njerëzve, që numërohen me gishtat e dorës.

“Sigurisht per një njeri që ka rrahur gjoksin me të dyja grushtet se është autor i Reformës në Drejtësi, këto dy pohime janë shumë më problematike sesa të ulërijë në kupë të qiellit nga kupa e kokës kundër SPAK-ut apo BKH-s.

Janë domëthenëse sepse tregojnë qartë se Edi Rama ka frikë nga drejtësia, i trembet drejtësisë dhe tani ka nxjerr gërshërët për të prerë këmbët dhe duart e drejtësisë. PD është në mbështetje të institucioneve të drejtësisë, PD është në mbështetje pa kushte të SPAK-ut, sepse PD beson se ky është shansi i vetëm për t’i dhënë fund pandëshkueshmërisë dhe për të sjell barazinë para ligjit për çdo shqiptarë kudo ku ndodhet'', tha Basha.

Por show vijon. Deklaratës së Luli Bashës nuk vonon t’i përgjigjet Elisa Spiropali apo ashtu siç njihet Elisa e inceneratorëve.

Kjo e fundit i drejtohet duke i thënë që vazhdon t’i bjerë fyellit përgjumësh si atëherë ku i çoi ata që e ndiqnin pas në humbje pas humbje.

''Lulëzim Basha vazhdon i bie fyellit përgjumësh, fiks aty ku i binte kur ata që e dinin zgjuar i shkonin pas nga humbja në humbje dhe bërtisnin fitore!Lulëzim, hajde voto amnistinë të nxjerrësh nga burgu ata që i fute vetë duke i nxitur të bllokojnë rrugët se do rrëzohej Rama, se SPAK-u s’ka nevojë ta mbrojë kush as nga Edi Rama, as nga Partia Socialiste, pa të cilët SPAK-u as do kishte lindur!Sa të jetë Edi Rama dhe PS në qeveri, qeveria s’ka asnjë punë me SPAK-un dhe SPAK-u i ka duart e lira të bëjë punën e tij pa pyetur se kush qeveris e kush flet me vete në ballkon apo nëpër gjumë’’, shkruan Spiropali.

Ndërkohë që Luli, mashtruesi politik dhe publik dhe Elisa Spiropali merren me gërr-vërre, nga ana tjetër kemi kryeministrin Edi Rama i cili nuk lë rast sa herë që pyetet të tallet me Luli Bashën, ministrin e tij në opozitë.

Por po ashtu e faktorizon në debat që ta ketë si aleat kur t’i duhet të miratojë ndonjë projektligj si ai i Amnistisë Penale, për të cilën ushtari i tij Enkelejd Alibeaj e tha hapur se do ta votojë./ CNA