web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/ “Portokalli”, drejt mbylljes

3 Mars 2024, 14:20, Aktualitet CNA
Ekskluzive/ “Portokalli”, drejt mbylljes
“Top Channel”

“Show” i humorit, “Portokalli”, pritet të mbyllet në fund të këtij sezoni.

Kontrata e stafit përfundon në muajin qershor dhe burime zyrtare i thanë CNA-së se drejtuesit e rinj të “Top Channel”, fëmijët e të ndjerit Dritan Hoxha, kanë vendosur ta mbyllin këtë “show”.

Ekskluzive/ “Portokalli”, drejt mbylljes
Logoja e “Portokalli”-së

Sipas të njëjtave burime, spektakli “Portokalli” ka një kosto të madhe financiare dhe del me humbje. Për këtë arsye do të shihet mbyllja e tij dhe hapja e një “show” tjetër tip kabaret, më të vogël, me më pak personazhe dhe me kosto shumë të ulëta.

Mbyllja e emisionit “Portokalli” vjen pas mbylljes së njëpasnjëshme të dy spektakleve të mëdha të humorit, siç ishte “Klanifornia” dhe “Al Pazar”.

“Al Pazar” përfundoi në dhjetor të 2023-shit, “Klanifornia” nuk rifilloi në sezonin e ri të shtatorit, por përfundoi në fundin e pranverës së vitit të shkuar dhe kjo për të njëjtën arsye ashtu si dhe “Portokallia”.

Kostot e mëdha, jo vetëm të pagesave për aktorët, por edhe skenografia, stafi, veshjet e gjithçka tjetër, i bënin këto spektakle me humbje dhe jofitimprurëse.

Ekskluzive/ “Portokalli”, drejt mbylljes
Moderatorët e “Portokalli”-së

I vetmi spektakël humori që ka mbetur është “Fustanella” në RTSH i Altin Bashës. Ish-“Kosherja” që prodhohej në “Abc News”, tashmë ka shkuar në RTSH, por normal në RTSH spektakli nuk bëhet me paratë e biznesit dhe reklamave, nuk ka një ekonomizim të tij, por është një projekt që financohet me xhepat e shqiptarëve dhe ende nuk dihet audienca e reklamat që llogarisin fitimet në krahasim me kostot e këtij “show”.

Mbyllja e pritshme e “Portokalli”-së tregon edhe njëherë se raportet dhe shpenzimet e mëdha financiare të bëra nga televizionet sa po vijnë dhe po zvogëlohen për shkak të moseficiencës duke qenë se spektaklet e mëdha kushtojnë miliona euro dhe këto si humbje ndaj televizioneve të mëdha, të cilat nuk mund t’i mbulojnë më të tilla spektakle si “Portokalli”, “Klanifornia” apo “Al Pazar”./ CNA





Lajmet e fundit nga