web counter
LEXO PA REKLAMA!

SHKARKO APP

App Store
Google Play

E fundit!

x

“Ka nevojë për rrotacion”/ Fevziu: Nuk kam shpresë se opozita mund të fitojë zgjedhjet

4 Mars 2024, 21:24, Aktualitet CNA
“Ka nevojë për rrotacion”/ Fevziu: Nuk kam shpresë se
Gazetari Blendi Fevziu

Gazetari Blendi Fevziu ka deklaruar se opozita është në ngërç me mbylljen e ish-kryeministrit Sali Berisha.

Fevziu u shpreh se nuk ka shpresë që opozita të fitojë zgjedhjet e ardhshme ndaj kryeministirt Edi Rama në 2025.

I ftuar në emisionin Të Paekspozuarit me Ylli Rakipin, Fevziu deklaron se opozita ka nevojë për një rrotacion.

"Me sa di, hetimet zgjasin edhe dy vjet, pra mund ta mbajnë deri në zgjedhje. Nuk besoj se do ti ngrenë akuzë, por të drejtën e hetimit e kanë dy vite. Një ngërç opozita e ka, që Berisha është i mbyllur.

Protesta e para një jave, la një shije disi ndryshe. Nuk kishte pasur aq njerëz që para një viti e gjysmë, pra tregoi se një lloj tentative për një lloj mirëkuptimi, serioziteti brenda opozitës, shpërblehet në pjesëmarrje.  Pra shoqëria e sheh kur nuk je serioz dhe kur je serioz. Tentativa e parë për tu bashkuar, u reflektua me dalje në rrugë. Shumë pak është por është ndryshim nga tre muaj më parë.

Nuk kam ndonjë shpresë se opozita mund të fitojë zgjedhjet e ardhshme me Ramën. Opozita nuk ka sjellë ndonjë risi të madhe, ndonjë personazh të ri, që të ngjallë entuziasmin. Kanë ikur edhe shumë shqiptarë, votues të opozitës, zhbalancohet balanca elektorale. Elektorati gri është vështirë të kalojë te opozita pavarësisht pakënaqësisë ndaj Ramës.

Por ndonjëherë më mirë një rrotacion i keq, sesa mungesa e një rrotacioni fare", deklaroi Fevziu./ CNA





Lajmet e fundit nga