web counter
LEXO PA REKLAMA!

SHKARKO APP

App Store
Google Play

E fundit!

x

“Një ditë Robin Hood për të blerë zgjedhjet”/ Brisida Shehaj nxjerr zbuluar Ramën me premtimet

5 Mars 2024, 21:42, Aktualitet CNA

“Një ditë Robin Hood për të blerë

Ekspertja e Ekonomisë, Brisida Shehaj ka nxjerrë zbuluar kryeministrin Edi Rama me premtimet që ka bërë në fushata zgjedhore.

Përmes një statusi në rrjetet sociale, Shehaj e ka quajtur "Robin Hood", duke i kujtuar deklaratat për krizën e ekonomike të 2022-shit, ligjin ku do taksonte me 50% të ardhurat e prodhuesve të energjisë e më pas këto do i shpërndante për të varfërit, si dhe premtimin në prill të vitit 2023 për bonus për pensionistët, që sipas Shehajt ende nuk është realizuar.

Ajo e ironizon duke thënë se kush do ta shohë Robin Hoodit duhet të presin zgjedhjet e ardhshme.

“Një ditë ROBIN HOOD për të blerë zgjedhjet.

Në fund të vitit 2022 të gjithë besoj e kujtoni terorrizimin që na u bë nga Edi Rama për pasojat e tmerrshme që do kishim nga rritja e çmimeve si pasojë e luftës.

Pas shkopit sigurisht vjen karrota, papritmas ROBIN HOOD ynë miratoi në Parlament një Ligj ku do taksonte me 50% të ardhurat e prodhuesve të energjisë e më pas këto do i shpërndante për të varfërit.

Në prill të vitit 2023, ROBIN HOOD foli e tha, mblodhëm 40 milion euro në muajt e parë dhe tani do japim bonus për pensionistët. Të gjithë të entuziazmuar falenderuan liderin duke votuar me dëshirë të madhe në zgjedhjet lokale.

Me të mbaruar zgjedhjet ROBIN e harroi ligjin e miratuar, lekët e mbledhura dhe bonuset për pensionistet.

Sot gati një vit nga shperndarja e bonusit të parë duhet të ishte përfituar i dyti e do ishit në pritje të bonusit të tretë, por qeveria nuk kishte atë qellim, nuk ka menduar e sdo mendojë kurrë për ata që mezi mbyllin muajin, për ata që nuk përballojnë dot faturën e ilaceve dhe as per çmimet e rrituara si pasojë e politikave kriminale që ndjek.

Por mos u mërzisni, kë ka marrë malli për ROBIN HOOD tonë duhet të bëj vetëm pak durim pasi zgjedhjet janë shumë afër”, shkruan Shehaj.





Lajmet e fundit nga