web counter
LEXO PA REKLAMA!

SHKARKO APP

App Store
Google Play

E fundit!

x

2 vite burg për Belerin/ Ish-prokurori: Nëse çështja shkon në Strasburg, e ka të fituar

5 Mars 2024, 22:01, Aktualitet CNA

2 vite burg për Belerin/ Ish-prokurori: Nëse çështja shkon

Ish-kreu i Prokurorisë së Krimeve të Rënda, Eugen Beçi, ka folur për dënimin e Fredi Belerit.

Sipas Becit, nga ana formale kemi një dosje të kopsitur por nëse çështja shkon në Strasburg për mënyrën se si e ka trajtuar mazhoranca, Beleri e ka të fituar gjyqin.

I ftuar në emisionin Open, ish-prokurori tha se nëse dosja ka ndërhyrje nga politika për dënimin, Strasburgu gjithmonë vendos pro shtetasit.

 “Është një çështje që donte kujdes të jashtëzakonshëm sa i takon procedurave të kryera. Përveç ngarkesave për personazhin kishte ndikim të drejtpërdrejtë nga shteti fqinj. SPAK dhe Prokuroria nuk mund të linin asnjë boshllëk procedural. Nëse ka kërkesa nga mbrojtja që janë refuzuar i lind e drejta palës së akuzuar për të dyshuar për padrejtësi.

Problemi është nëse kemi të bëjmë me provokim të aktit të korrupsionit apo një natyrshmëri të aktit. Nëse lexon provat e kupton se në pikëpamjen formale kemi një dosje të kopsitur, por nëse asaj i shtojmë impaktet nga jashtë duhet që procesi të mos lejonte asnjë mëdyshje procedurale.

Provat sipas meje janë bindëse në pikëpamjen formale, por prokuroria duhet të kishte një dyshim. Kemi të bëjmë me një situatë të provokuar dhe kjo do sqarohej duke pyetur personin që ka bërë marrëveshje me policinë për të provokuar situatën. Procesi lë hapësira për mëdyshje. Mënyra si është trajtuar nga mazhoranca situata këta e kanë të fituar dosjen në Strasburg. Nëse dosja ka ndërhyrje nga politika për dënimin, Strasburgu gjithmonë vendos pro shtetasit. Kjo vërtetohet nga deklaratat publike”, u shpreh ai./ CNA





Lajmet e fundit nga