web counter
LEXO PA REKLAMA!

SHKARKO APP

App Store
Google Play

E fundit!

x

Videoja e sherrit të Princ Lekës me Elia Zaharian/ Vihet në lëvizje Prokuroria e Tiranës

7 Mars 2024, 09:52, Aktualitet CNA

Videoja e sherrit të Princ Lekës me Elia Zaharian/ Vihet në

Prokuroria e Tiranës ka nisur hetimet për ‘Dhunë në Familje’ pas denoncimit të Princ Lekës, si dhe ka nisur verifikime për publikimin e videos.

Prokuroria e Tiranës është vvënë në lëvizje për kallëzimin e Princ Lekës në lidhje me sherrin në familjen mbretërore dhe videon e konfliktit të publikuar në rrjet.

Prokuroria bën me dije se ka nisur hetimet për veprën penale ‘Dhunë në Familje’, ndërsa ka nisur verifikimet edhe për publikimin e videos.

Nga verifikimet e para, Prokuroria deklaron se ka zarfi me videon e mbërritur në këtë institucion nuk ka rezultuar i hapur dhe videoja është publikuar para se provat materiale të mbërrinin tek ta.

Për këtë arsye, theksohet se AMP ka nisur hetimet në radhët e policisë.

"Në Prokurorinë e Gjykatës së Shkallës së Parë të Juridiksionit të Përgjithshëm Tiranë më datë 06.03.2024, ora 15.00 është referuar nga Komisariati i Policisë Nr.1 materiali kallëzues i shtetasit L.Z për veprën penale “Dhuna në familje”, parashikuar nga neni 130/a i Kodit Penal.

Prokuroria pranë Gjykatës së Shkallës së Parë të Juridiksionit të Përgjithshëm Tiranë, regjistroi kallëzimin penal nr.2893 për Veprën Penale të parashikuar nga neni 130/4 i Kodit Penal.

Materiali është shortuar dhe i është ngarkuar prokurorit përkatës.

Ndërkohë, në lidhje me të dhënat e publikuara në media, ju bëjmë me dije se, nga ana e Prokurorisë kanë nisur verifikimet edhe në lidhje me publikimin e një videoje, provë materiale.

Nga verifikimet e para, ka rezultuar që materiali kallëzues është depozituar në Prokurorinë e Gjykatës së Shkallës së Parë të Juridiksionit të Përgjithshëm Tiranë, pasi videoja është publikuar në media të ndryshme dhe rezulton që zarfi ku është administruar prova të mos jetë i hapur.

Në lidhje me rastin në fjalë, është ngarkuar Agjensia e Mbikëqyrjes Policore për të kryer veprimet hetimore përkatëse", thuhet në njoftimin e Prokurorisë së Tiranës.

Kujtojmë se dy ditë më parë, Princ Leka kallëzoi në polici ish-bashkëshorten e tij Elia Zaharia dhe babin e saj, Gjergj Zaharia. Edhe Elia Zaharia akuzoi Princ Lekën për dhunë dhe të dyja palët u pajisën me urdhër mbrojtjeje./ CNA





Lajmet e fundit nga