web counter
LEXO PA REKLAMA!

SHKARKO APP

App Store
Google Play

Sulmi i mediave të Veliajt/ "SafeJournalist": Ndal fushatës së shpifjeve ndaj gazetares Ola Xama

7 Mars 2024, 14:03, Aktualitet CNA
Sulmi i mediave të Veliajt/ "SafeJournalist": Ndal fushatës
Ola Xama

"SafeJournalist", një aleancë organizatash në rajonin e Ballkanit, ka shprehur shqetësimin dhe zhgënjim të thellë për riaktivizimin e një fushate denigruese dhe shpifëse kundër gazetares Ola Xama nga e përditshmja "DITA" dhe portali "Prapaskena".

“'SafeJournalist' shpreh shqetësim të thellë dhe zhgënjim mbi vijimin dhe intensifikimin e fushatës së shpifjeve kundër gazetares Ola Xama, një gazetare investigative në Shqipëri,” shkruhet në deklaratën e shpërndarë të enjten.

Theksojmë këtu se të dyja mediat janë paditur për shpifje nga gazetarja pas një fushate të ngjashme të ndërmarrë verën e kaluar, në vijimësi të publikimit të një investigimi që Xama bëri në lidhje me rolin e kryetarit të Bashkisë së Tiranës, Erion Veliaj, në aferën e inceneratorit të Tiranës.

“Në një seri të re artikujsh në platformat si gazeta e përditshme 'DITA' dhe 'Prapaskena', Xama është sulmuar si 'e përdalë', ndërsa ekspozimi i adresës së saj private dhe sulmet ndaj familjarëve të saj janë jo vetëm të dënueshme, por edhe një përpjekje e hapur për ta frikësuar dhe për ta shtyrë atë drejt heshtjes. Të dyja mediat janë paditur për shpifje nga gazetarja pas një fushate të ngjashme të ndërmarrë verën e kaluar, në vijimësi të publikimit të një investigimi që Xama bëri në lidhje me rolin e kryetarit të Bashkisë së Tiranës, Erion Veliaj, në aferën e inceneratorit të Tiranës. “Ne u bëjmë thirrje të gjithë aktorëve të na bashkohen në mbrojtjen e të drejtave të grave gazetare dhe në promovimin e një panorame mediatike në të cilën gazetaret të mund të punojnë pa frikë për sulme apo diskriminim”, thuhet më tej në deklaratë.

Kujtojmë që Veliaj i dërgoi edhe një mesazh gazetares duke e shpallur atë “vrasëse me pagesë” dhe “militante”, një terminologji që u shumëfishua nga portale të ndryshme "online" dhe nga gazeta "DITA" për ditë të tëra./CNA 





Lajmet e fundit nga