web counter
LEXO PA REKLAMA!

SHKARKO APP

App Store
Google Play

E fundit!

x

“Rilindja, barbari me sistemin arsimor”/ Berisha: Mësuesit me pagat më të ulta

7 Mars 2024, 21:18, Aktualitet CNA
“Rilindja, barbari me sistemin arsimor”/ Berisha: Mësuesit me
Ish-kryeministri Sali Berisha

Në kuadër të 7 Marsit, Ditës së Mësuesit, ish-kryeministri Sali Berisha ka evidentuar problematikat në sistemin arsimor.

Berisha theksoi se mësuesit në Shqipëri kanë sot rrogat më të ulta, rreth 40 % më të ulëta se në Kosovë.

Sipas ish-kryeministrit, Rilindja është një barabari me sistemin tonë arsimor, pasi nuk e vendos mësuesin në piedestalin që meriton.

“Asnjëherë dhe kurrë nuk do kesh sistemin arsimor që do në rast se mësuesin, mësuesen nuk e vendos në piedestalin që meriton.

Ky është kushti i parë për të pasur arsimin e duhur, edukimin e duhur.

Çfarë ndodhi me mësuesit këto 10 vite?

Këto 10 vite, mësuesit shqiptarë, nga mësuesit më të paguar të të gjithë Ballkanit dhe rajonit, falë një politike që synonte mësuesin në piedestal, ata sot kanë rrogat më të ulëta. 30-40 përqind më të ulëta se në Kosovë.

Ndërkohë, rrogat e larta të ofiqarëve të lartë dy dhe trefishohen.

Rrogat e mësuesve sot, krahasuar me inflacionin e 4 viteve të fundit, jo të 10 viteve, por vetëm të 4 viteve të fundit, janë 40 përqind më të ulëta.

Rilindja është vërtetuar një barbari e vërtetë për sistemin arsimor.

U bënë përpjekje të mëdha për modernizimin e këtij sistemi me shpenzime serioze, por vullnetin e hekurt. E shndërruam internetin nga mollë e ndaluar për fëmijët shqiptarë, në një mjet, në një univers në të cilin mund të lundronte falas çdo fëmijë i këtij vendi.

Mësimi jepej me dy-tre turne. Hoqëm turnet në shkolla dhe rindërtuam mbi 1300 objekte shkollore në mbarë vendin.

Pra, bëmë çdo gjë miqtë e mi që ta merrnim, ta trajnonim në mënyrën më serioze arsimin shqiptar, mësueset dhe mësuesit, të bindur se kjo është rruga e vetme për të përgatitur të ardhmen tonë.

Rezultatet nuk munguan, dihet tashmë se ne patëm ngjitje vertikale, u bëmë njëri nga vendet me ngjitjen më vertikale në testin e PISA-s për cilësinë e arsimit.

Sot është një ditë flamuri në gjysmë shtizë për arsimin shqiptar, sepse PISA e këtij viti, që përfshinte tetë vitet e sektit të Rilindjes në pushtet, shënoi për fatin tonë më të keq, rënien më të madhe në botë të cilësisë së arsimit.

A nuk është kjo një arsye për të ulur në gjysmë shtizë flamurin në arsimin tonë?”, është shprehur Berisha./ CNA





Lajmet e fundit nga