web counter
LEXO PA REKLAMA!

SHKARKO APP

App Store
Google Play

E fundit!

x

Shkarkimet masive në RTSH nga Alfred Peza, PD thirrje KLSH-së për kontrolle

6 Mars 2024, 14:20, Politikë CNA
Shkarkimet masive në RTSH nga Alfred Peza, PD thirrje KLSH-së për
Ina Zhupa

Deputetja e PD-së, Ina Zhupa, në një deklaratë për mediat reagoi për shkarkimet masive të punonjësve të RTSH-së nga Alfred Peza, të denoncuara prej disa javësh nga CNA. 

Zhupa u shpreh se deri më tani janë shkarkuar nga ky institucion 125 veta. Ajo akuzoi Pezën se e ka kthyer RTSH-në në një çiflig personal, pa ligj, e pa moral, ku bën veprime nga më antiligjoret dhe antimoralet për nga mënyra se si duhet administruar një institucion që mbahet nga fondet publike dhe taksat e shqiptarëve.

"Sigurisht si anëtare e Komisionit të Edukimit, komisioni përgjegjës për kontrollin e RTSH-së do të ndjekë të gjithë hapat ligjorë, për ta ndalur dhe çuar përpara përgjegjësisë ligjore, Alfred Pezën. Ashtu siç u bëj thirrje organeve të drejtësisë, Kontrollit të Lartë të Shtetit për monitorimin e këtij institucioni që është kthyer në një institucion të paligjshëm, në një institucion ku vullneti i një individi vlen më shumë sesa rregullat e shtetit, Kodi i Punës dhe sesa morali dhe përgjegjshmëria që duhet të kryhen funksionet publike në këtë rast, në RTSH-në e mbajtur me taksat e shqiptarëve", u shpreh Zhupa. 

Deklarata e plotë: 

Zgjedhja antiligjore në krye të RTSH-së është denoncuar herë pas here nga ne dhe kjo zgjedhje ka çuar në veprimet e tij antiligjore, abuzive në krye të RTSH-së.

Sigurisht njeriu që vjen në krye të institucionit pa njohur ligj, do të veprojë duke mos e njohur ligjin edhe gjatë drejtimit të këtij institucioni.

Ne do të bëjmë një seri denoncimesh për abuzimet e RTSH-së me në krye drejtorin e ri të paligjshëm, Alfred Peza.

Sot do të përqendrohem në rastet e shkarkimeve masive në thyerje të rregullave të Kodit të Punës të Republikës së Shqipërisë, që ka kryer drejtori i Përgjithshëm, Alfred Peza, që me marrjen e pozicionit dhe deri para dy ditësh, ku rasti flagrant ishte i regjisorit, i cili kishte bërë dëmin e madh, që kishte lavdëruar emisionin e tij që zhvillohet në RTSH, në "Instagram"-in e tij personal.

Për këtë u dënua nga drejtori i Përgjithshëm, Alfred Peza, duke e shkarkuar nga puna.

Ky rast dhe qindra raste të tjera, të cilat unë do t'i lexoj për transparencë për publikun, tregojnë se si Alfred Peza e ka kthyer RTSH-në në një çiflig personal, pa ligj, e pa moral, ku bën veprime nga më antiligjoret dhe antimoralet për nga mënyra se si duhet administruar një institucion që mbahet nga fondet publike dhe taksat e shqiptarëve.

Një gazetare është shkarkuar, Magdallena Alla, pse ka shkruar në "Facebook" kundër dhunës ndaj kafshëve.

Një gazetar është shkarkuar pse nuk ka çuar karriget në mbledhjen e drejtorit.

Një tjetër është shkarkuar pse i ka çuar SMS, Alfred Pezës, ndërkohë që madhëria e tij kërkonte një komunikim më formal dhe më zyrtar.

Sot unë do të lexoj emrat e të shkarkuarve dhe kam edhe motivacionet e secilit nga ta, dhe janë totalisht antiligjore.

Bëhet fjalë për 125 veta të shkarkuar nga Alfred Peza në krye të RTSH-së. I fundit, rasti i regjisorit Ergi Hasku. 

Kjo është një listë e limituar e të gjithë atyre që janë pushuar në mënyrë të padrejtë nga drejtori i RTSH-së, Alfred Peza.

Sigurisht si anëtare e Komisionit të Edukimit, komisioni përgjegjës për kontrollin e RTSH-së, do të ndjekë të gjithë hapat ligjorë, për ta ndalur dhe çuar përpara përgjegjësisë ligjore, Alfred Pezën. Ashtu siç u bëj thirrje organeve të drejtësisë, Kontrollit të Lartë të Shtetit për monitorimin e këtij institucioni që është kthyer në një institucion të paligjshëm, në një institucion ku vullneti i një individi vlen më shumë sesa rregullat e shtetit, Kodi i Punës dhe sesa morali dhe përgjegjshmëria që duhet të kryhen funksionet publike në këtë rast, në RTSH-në e mbajtur me taksat e shqiptarëve./CNA 

 





Lajmet e fundit nga