web counter
LEXO PA REKLAMA!

SHKARKO APP

App Store
Google Play

E fundit!

x

Alfred Peza kallëzohet në SPAK

24 Shkurt 2024, 14:13, Aktualitet CNA
Alfred Peza kallëzohet në SPAK
Alfred Peza

Drejtori i Radio Televizionit Shqiptar, Alfred Peza ka kryer shkarkime kolektive të punonjësve të televizionit shtetëror. Për këto shkarkime ish-punonjësit e RTSH-së kanë bërë kallëzim në SPAK. CNA ka siguruar padinë e firmosur nga mbi 20 punonjës kundrejt Pezës.

Punonjësit e shkarkuar akuzojnë Pezën, drejtoreshën e Burimeve Njerëzore, Anila Agalliu dhe shefin e Departamentit Ligjor, Enkelejd Lamaj për shkelje të kontratave dhe pushime nga puna në shkelje të ligjit. 

Sipas tyre, shkarkimet janë kryer pa asnjë bazë ligjore dhe në shkelje të Kodit të Punës. Në padi theksohet se të tjerë kolegë janë detyruar të japin dorëheqjen nga shantazhet dhe presionet.

Për largimet nga puna, ish-punonjësit do të vënë në dijeni ambasadat, Bashkimin Evropian dhe sekretarin e Përgjithshëm të OKB-së, Antonio Guterres.

Gjithashtu, punonjësit e shkarkuar pritet të dërgojnë një tjetër padi në SPAK për abuzime dhe korrupsion në bashkëpunim. Ata akuzojnë Pezën për abuzime të shumta financiare, para të shpërdoruara për fasada emisionesh të dështuara me një kosto maramendëse.

Ndërkohë CNA ka mësuar se një tjetër kallëzim po përgatitet ndaj Alfred Pezës dhe pritet të ketë disa denoncime publike në lidhje me organizimin e Festivalit të 62 në RTSH.

Në këtë institucion ka shkuar me urgjencë Kontrolli i Lartë i Shtetit për të verifikuar denoncimet e bëra nga punonjësit në lidhje me paratë e përdorura për festivalin e fundvitit dhe shumat e mëdha të parave që shkojnë mbi 600 milionë lekë. 

Pra, kallëzimi i parë është bërë nga disa punonjës, ndërkohë priten denoncimet publike dhe kallëzimi dytë për korrupsion jo vetëm për zotin Peza por pritet të jetë si person në bashkëpunim me të tjerët, ku përfshihen anëtarë të Bordit të Administrimit. 

Çudi është heshtja e Leka Bungos, kreut të Këshillit të RTSH-së, që ka mbyllur gojën. Mediokri i skenës dhe artit që fliste si shef rojesh dje, sot hesht pasi Alfred Peza ia ka zënë gojen. Me se ende nuk dihet./CNA

 





Lajmet e fundit nga