web counter
LEXO PA REKLAMA!

SHKARKO APP

App Store
Google Play

E fundit!

x

DENONCIMI: 1.7 milionë euro, përzgjedhjen e tenderëve do ta bëjë një kompani private

5 Mars 2024, 13:40, Politikë CNA
DENONCIMI: 1.7 milionë euro, përzgjedhjen e tenderëve do ta
Edi Rama

Anëtari i Kryesisë së Partisë Demokratike, Eno Bozdo, denoncoi gjatë një deklarate për mediat nga selia blu se qeveria Rama ka vendosur të japë me prokurim, Prokurimin Publik.

Bozdo nënvizoi se taksapaguesit shqiptarë do të paguajnë një kompani private, e cila do të prokurojë çdo gjë që ka lidhje me shërbimet publike të qeverisë dhe të agjencive shtetërore, afro 1,7 miliardë euro në vit. 

"Pra, taksapaguesit shqiptarë do të paguajnë një kompani private, e cila do të prokurojë çdo gjë që ka lidhje me shërbimet publike të qeverisë dhe të agjencive shtetërore, afro 1,7 miliardë euro në vit. Sikur 1% të marrë kjo kompani për “performancën” e saj, rreth 170 milionë euro do të avullojnë nga arka e shpuar e shtetit shqiptar! Sa për kujtesë 140 milionë euro, paguajmë në çdo vit nga buxheti për koncesionet/PPP që nuk ekzistojnë", u shpreh ai. 

Deklarata e plotë: 

Qeveria Rama ka vendosur të japë me prokurim, Prokurimin Publik. Amendimet e Ligjit për Prokurimin Publik do ta mundësojnë këtë duke filluar nga muaji prill i këtij viti.

Pra, taksapaguesit shqiptarë do të paguajnë një kompani private e cila do të prokurojë çdo gjë që ka lidhje me shërbimet publike të qeverisë dhe të agjencive shtetërore, afro 1,7 miliardë euro në vit. Sikur 1% të marrë kjo kompani për “performancën” e saj, rreth 170 milionë euro do të avullojnë nga arka e shpuar e shtetit shqiptar! Sa për kujtesë 140 milionë euro, paguajmë ne çdo vit nga buxheti për koncesionet/PPP që nuk ekzistojnë.

Ja pra ku ndeshemi me PPP e radhës, e paimagjinueshme dhe e papraktikuar nga ndonjë shtet tjetër. Mos harroni se Rama pati tentuar, pa sukses, që vite më parë, të jepte me koncension edhe mbledhjen e TVSH-së.

Mesa duket, Rama, i cili sapo ka premtuar se Prokurimi Publik do të mundësojë me anë të Inteligjencës Artificiale, tashmë e ka kuptuar se ka një zgjidhje edhe më inteligjente, edhe pse shumë artificiale, për xhepin e tij: t`ia marrë fare këtë funksion thelbësor administratës. Është absurde se si administratës që paguhet nga taksat e shqiptarëve, ndër të tjera edhe për të dhënë këto shërbime, i hiqet një funksion dhe krijohet një barrë e re për xhepin e qytetarit. E gjitha për të kënaqur klientët e qeverisë dhe llogaritë offshore, po të qeverisë.

Edi Ramës duhet t'i jetë mbushur mendja nga “suksesi i jashtëzakonshëm i PPP-ve të Check-Up-it, të Sterilizimit, të Laboratorëve, të Inceneratorëve, të Portit të Durrësit e kështu me radhë. Me sukses, të dashur shqiptarë, kuptoni vetëm një gjë: mbushjen e xhepave të Ramës dhe bandës së tij.

Në qershor 2010, Organizata e Kombeve të Bashkuara i akordoi Shqipërisë vendin e dytë në botë për “eficiencën dhe trasparencën në shërbimet publike”. Sepse Shqipëria u bë vendi i parë në botë që aplikonte 100% prokurimin elektronik për të gjitha shërbimet publike, duke rritur në nivelin më të lartë transparencën dhe efikasitetin e këtij shërbimi.

Si rezultat, u rrit ndjeshëm numri i bizneseve që merrnin pjesë në prokurim dhe në të njëjtën kohë u ul ndjeshëm oferta kundrejt fondit limit. Shqipëria, në këtë mënyrë arriti të kursente rreth 80 deri 100 milionë euro në vit.

Që nga viti 2010 shumë kohë ka kaluar, por hapat e Shqipërisë në këtë aspekt kanë qenë mbrapsht, duke e kthyer sistemin e prokurimit publik në një strehë të madhe kusarësh. 40% e tenderëve të prokurimit publik janë zyrtarisht me një ofertues të vetëm, dhe thuajse 99% të gjitha procedurave përfundojnë te kufiri i fondit limit. Me pak fjalë, nuk ka asnjë garë, por edhe kur ka, ajo është në letër sepse gjithçka është vendosur më parë.

Tenderët në çdo sektor janë të paracaktuar, dhe për ato paguhen në dorë 30% e shumës së prokuruar.

Që shqiptarët të mos rrinë duke vështruar zhvatësit që gjejnë teknika të reja grabitjeje, duhet ndërruar qeveria, jo populli. Edi Rama dhe Rilindja e kanë thënë dhe vërtetuar se kanë të parën partinë dhe xhepin, jo Shqipërinë.
Për këtë ata duhen qëruar nga zyrat: O sot, o kurrë!/CNA 





Lajmet e fundit nga