web counter
LEXO PA REKLAMA!

SHKARKO APP

App Store
Google Play

E fundit!

x

Veliaj zbaton urdhrin e Ramës/ Vijon me anëtarësimet

3 Mars 2024, 15:34, Politikë CNA
Veliaj zbaton urdhrin e Ramës/ Vijon me anëtarësimet
Erion Veliaj

Në Asamblesë Kombëtare të Partisë Socialiste në 21 shkurt, kryesocialisti Edi Rama kritikoi organizatat socialiste se kanë probleme kryesisht me barazimet e kuotave gjinore.

Rama tha se Partia Socialiste është në fazën e angazhimit për anëtarësime të reja, ku minimalisht të ketë katër anëtarësime të reja.

Urdhrin e Ramës e ka marrë seriozisht kryebashkiaku Erion Veliaj, i cili njoftoi këtë të diel se 200 anëtarë të rinj i janë bashkuar Partisë Socialiste vetëm në Njësinë 4.

“Një nga gjërat që më ka shijuar më shumë në të gjithë këtë tur, është fakti sa çuna dhe goca të shkëlqyera janë bashkuar me PS-në. Si ka mundësi, u them kolegëve nga bindje të tjera, që të gjithë Presidentët e gjimnazeve janë me PS-në? Të gjithë studentët me 10-ta janë me PS-në. Të gjithë janë të mirëpritur, por fakti se më të mirët, më punëtorët, më të talentuarit, më të dalluarit, bëhen me PS-në, është një kompliment më i madh. E di pse? Sepse i miri shkon tek i miri, punëtori shkon te punëtori, i ndershmi shkon tek i ndershmi, ai me zemër të madhe, shkon te tjetri me zemër të madhe”, tha Veliaj.

Sipas kryebashkiakut, nuk ka parti tjetër më të mirë dhe më punëtore për të qeverisur vendin, se Partia Socialiste./ CNA





Lajmet e fundit nga