web counter
LEXO PA REKLAMA!

SHKARKO APP

App Store
Google Play

Rama nga Azerbajxhani: Studimi i gazifikimit të Korçës është gati

1 Mars 2024, 22:14, Politikë CNA

Rama nga Azerbajxhani: Studimi i gazifikimit të Korçës

Kryeministri Edi Rama ishte këtë të premte në Azerbajxhan ku mori pjesë në Samitin e 10-të të Korridorit Jugor të Gazit.

Rama i dha një rëndësi të madhe ecurisë së projektit të gazifikimit të Korçës.

Kreu i qeverisë deklaroi se studimi i gazifikimit të zonës së Korçës është gati, si hap i parë i programit të shtrirjes së gazit për konsum të përgjithshëm në Shqipëri.

Të njejtën gjë, Rama e theksoi edhe në një status në rrjette sociale, ku shpërdau foto me presidentin e Azerbajxhanit, Ilham Aliyev.

“I ftuar nderi i Presidentit Ilham Alijev, për të adresuar Samitin e 10-të të Korridorit Jugor të Gazit, si edhe për të diskutuar bashkërisht për ecurinë e projekteve tona të përbashkëta në fushën e energjisë, ku tanimë është gati studimi i gazifikimit të zonës së Korçës, si hap i parë i programit të shtrirjes së gazit për konsum të përgjithshëm në Shqipëri, ashtu si edhe është drejt përfundimit studimi i tubit lidhës të TAP-it me TEC-in e Vlorës, ndërkohë që ka nisur investimi për vënien në punë e zgjerimin e kapaciteteve të këtij të fundit. Shqipëria dhe Azerbajxhani do të zhvillojnë më tej projekte në interes të përbashkët, në rrugën e një miqësie e partneriteti që vetëm do të forcohet në çdo hap”, shkruan kreu i qeverisë krahas fotove./ CNA

Rama nga Azerbajxhani: Studimi i gazifikimit të Korçës





Lajmet e fundit nga