web counter
LEXO PA REKLAMA!

SHKARKO APP

App Store
Google Play

Ministria e Mbrojtjes përgënjeshtron mediat greke/ Dokumenti që zbulon të vërtetën

9 Mars 2024, 16:17, Aktualitet CNA

Ministria e Mbrojtjes përgënjeshtron mediat greke/ Dokumenti që

Ministria e Mbrojtjes ka përgënjeshtruar medait greke të cilat kanë shkruar se Shqipëria nuk e ftoi Greqinë në inagurimin e bazës ajrore të NATO-s në Kuçovë.

CNA ka siguruar dokumentin ku shihet dhe ftesa që i është bërë ministrit të Mbrojtjes në Greqi nga ana e Ministrisë së Mbrojtjes në Shqipëri.

Ministria e Mbrojtjes përgënjeshtron mediat greke/ Dokumenti që

Në reagimin sqarues, ministria thekson se në datë 14 shkurt ka marrë përgjigjen se për shkak të angazhimeve të paracaktuara, Ministri i Mbrojtjes Dendias nuk do të mund të merrte pjesë në ceremoninë e 4 marsit.

Në vend të tij, zyrtarë të lartë nga Ambasada e Greqisë në Tiranë morën pjesë në ceremoni. 

“Shqipëria dhe Greqia gëzojnë një nivel shumë të mirë bashkëpunimi në fushën e sigurisë dhe mbrojtjes si aleatë të përkushtuar të NATO-s. Jemi mirënjohës ndaj Greqisë (dhe Italisë) që për vite me radhë kanë kryer Policimin Ajror për vendin tonë.

Me të njëjtin qëllim, më 29 janar, Ministri i Mbrojtjes së Shqipërisë dërgoi një ftesë zyrtare homologut të tij grek për të bërë një vizitë zyrtare në Shqipëri, që përkonte në të njëjtën kohë me ceremoninë e inagurimit të Bazës Taktike Ajrore të Kuçovës.

 Më 14 shkurt, morëm përgjigjen se për shkak të angazhimeve të paracaktuara, Ministri i Mbrojtjes Dendias nuk do të mund të merrte pjesë në ceremoninë e 4 marsit. Në vend të tij, zyrtarë të lartë nga Ambasada e Greqisë në Tiranë morën pjesë në këtë ceremoni. 

Jemi të keqardhur për lajme të tilla që nuk pasqyrojnë të vërtetën dhe realitetin në lidhje me bashkëpunimin tonë me shtetin tonë fqinj, Greqinë dhe që nxisin keqkuptime mes dy vendeve tona mike”, thuhet në sqarim./ CNA





Lajmet e fundit nga