E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Moti i keq gjatë fundjavës/ Pezullohen disa linja lundrimi

8 Mars 2024, 20:55, Aktualitet CNA

Gjatë fundjavës pritet që kushtet atmosferike të jenë të paqëndrushme. Kështu për shkak të motit të keq janë pezulluar disa linja lundrimi.

Nga e shtuna, pra nesër në 9 Mars do të ndalohet lundrimi i mjeteve të vogla.

Ndërsa ditën e dielë do të ndalohet lëvizja e anijeve Durrës-Bari- Durrës dhe Vlorë-Brindisi-Vlorë.

Kujtojmë se gjatë kësaj jave kemi patur një mot me shi, erë dhe breshër. Vetëm dy ditë më para, Tirana u zbardh nga reshjet e breshërit.

Njoftim për kushtet hidrometeorologjike të përkeqësura gjatë datave 09-10-11.03.2024 !

Në bazë të parashikimit për situatën hidrometeorologjike të përkeqësuar përgjatë bregdetit Shqiptar gjatë datave 09-10-11.03.2024 duke filluar nga ora 14:00 datë 09.03.2024 në drejtimin Jug-Jug-Lindje, Jug-Jug-Perëndim në forcën deri 7-8bft deri 9bft me shpejtësi ere deri 25-45m/s dhe lartësi dallge nga 2.50 deri 4 metra.

Me qëllim parandalimin e çdo situate të papritur për shkak të kushteve atmosferike, kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gadishmerisë së ekuipazhit në mjetet lundruese.

Anijet e transportit ndërkombëtar detar për pasagjer dhe automjete në linjën Durres-Bari-Durres dhe Vlorë-Brindisi-Vlorë, ditën e shtunë do të vazhdojnë të operojnë normalisht sipas destinacioneve përkatëse.

Trageti i linjes Durres-Ankona-Durres do te operoje normalisht diten e Diele.

Diten e Diele date 10.03.2024 do te ndalohet lëvizja e anijeve pasagjere ne linjat nderkombetare Durres-Bari-Durres dhe Vlorë-Brindisi-Vlorë.

Ne lidhje me linjen Sarande-Korfuz-Sarande do te njoftojme ne ditet ne vijim.

NDALOHET DHËNIA E LEJE – NISJES GJATË DATAVE 09-10-11.03.2024 DUKE FILLUAR NGA ORA 17:00 DATË 09.03.2024 PËR TË GJITHA MJETET E VOGLA LUNDRUESE, ANIJEVE TË PESHKIMIT QË OPEROJNË PËRGJATË BREGDETIT SHQIPTAR DHE TË JENË NJOFTUAR PËR MARJEN E MASAVE PËR SIGURIMIN E TYRE.

Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 22:00 të datës 11.03.2024./ CNA