Del kontrata/ Kompania e ndërtimit, pagesë me klering për dherat në inceneratorin e Tiranës

27 Shkurt 2024, 22:02, Denoncim CNA

Del kontrata/ Kompania e ndërtimit, pagesë me klering për dherat

Prej disa javësh CNA ka denoncuar skandalin në kontratën koncesionare të inceneratorit të Tiranës me dherat, ku ndërtuesit detyrohen të paguajnë 4-8 euro për 1m³ dhera.

Gjithashtu, CNA ka theksuar se disa prej tyre nuk paguajnë për dherat por në vend të një pagese kanë lidhur kontrata kleringu dhe japin vila apo apartamente.

Skandali/ Kontrata koncesionare e inceneratorit të Tiranës nuk përcaktoi çmimin e dherave
22 Shkurt, 15:23

Mbrëmjen e sotme, drejtuesi i PD-së për Tiranën, Belind Këlliçi publikoi një kontratë të fimosur nga kompania e “Integrated Technology Services” (ITS) e Klodian Zotos me kompaninë e ndërtimit “Llanaj ndërtim”.

Kontrata mban firmën e Denisa Tollkuçit, administratores së komapnisë së Zotos. Sipas saj, kompania “Llanaj ndërtim” do të lejohet të depozitojë 85 mijë ton dhera pa pagesë në Sharrë, kundrejt shpërblimit me 500 metra katrorë ndërtim, apo apartamente për kompaninë ITS.

Sa ishin dhe kush i vodhi paratë e dherave në inceneratorin e Tiranës?
6 Shkurt, 14:52

Pra, kjo kompani ndërtimi nuk ka paguar për dherat, por në këmbim ka dhënë 500 metra katrorë sipërfaqe banimi.

“Me grupin e ekspertëve pranë PD-së kemi punuar gjatë kësaj jave dhe për tu bërë të ditur shqiptarëve se ku kanë shkuar paratë. Ne kemi 6 muaj që publikojmë çdo ditë dhe çdo javë dokumente të reja në lidhje me aferën e inceneratorit të Tiranës.

Thelbi është ku kanë shkuar paratë. Në inceneratorin e Tiranës deri tani janë paguar 130 mln euro për një incenerator që nuk ekziston.

Inceneratorët dhe çështja e dherave/ Gazetari: Çantat me lekë për mediat, u bënë sulme banditeske
21 Dhjetor, 23:20

Unë do të publikoj sot për herë të parë, një nga kontratat e nënshkruara mes inceneratorit të Tiranës dhe Klodian Zotos, një kontratë të firmosur në 20 korrik të vitit 2021 mes administratores së kompanisë ITS që është Denisa Tollkuçi dhe kompanisë së ndërtimit ‘Llanaj ndërtim’.

Në thelb kjo kontratë ka që kjo kompani do të lejohet të depozitojë 85 mijë ton dhera pa pagesë në Sharrë, kundrejt shpërblimit me 500 metër katror ndërtim, apo apartamente për inceneratorin e Tiranës, kompaninë ITS.

Kjo kompani nuk ka paguar dherat, por me një kontratë kleringu prej 500 metrash katrorë sipërfaqe banimi.

Dalin "email"-et/ Bashkëpunimi Veliaj-Zoto- për dherat e kullës te Sahati në Tiranë
13 Nëntor, 12:30

Bëhet fjalë për këto apartamente. Meqë po kërkojnë se ku janë paratë, unë sot po i tregoj SPAK-ut se ku janë 1 milionë euro prona dhe i ftoj që në përfundim të këtij emisioni të marrin këto dokumente dhe të shkojnë të sekuestrojnë këto apartamente që janë para të shqiptarëve.

Një kompani që është nën sekuestro nga shtetit, ITS, pronari është në kërkim ndërkombëtar Klodian Zoto, si pronar defakto i inceneratorit të Tiranës, por në fakt është prestanome sepse pronarin defakto na e tha Arben Ahmetaj dhe quhet Erion Veliaj, ka sot në pronësi, unë po i tregoj SPAK 7 apartamente me vlerë në total 1 mln euro.

E garantoj SPAK se do të gjejnë kontrata të ngjashme. I garantoj se pothuajse në çdo kullë, disa kulla përfshirë dhe kullën pas bashkisë Tiranë, me urdhër të Mirel Mërtirit dhe Erion Veliajt jepej urdhër të depozitonin dhera pa pagesë, sepse merrnin apartamente pronarët”, theksoi Këlliçi./ CNA

Del kontrata/ Kompania e ndërtimit, pagesë me klering për dherat