LEXO PA REKLAMA!

SHKARKO APP

Denoncimi: Drejtuesja e SHISH ka urdhëruar që informacionet sekrete t’i kalojnë Ramës

26 Shkurt 2024, 19:59, Denoncim CNA

Denoncimi: Drejtuesja e SHISH ka urdhëruar që informacionet sekrete

Kryetari i PD-së, Sali Berisha ka bërë një denoncim të fortë gjatë fjalës së tij në protestën e qytetarëve në rrugën “Mustafa Matohiti”.

Berisha ngrioti pretendimet se drejtuesja e SHISH-it, Vlora Hyseni ka urdhëruar që informacionet sekrete që deklarohen në institucionet ligjzbatuese, fillimisht të kalojnë te kryeministri Edi Rama.

Sipas tij, këto informacione sekrete përmbajnë të dhëna për kriminalitetin, për korrupsionin, për vepra kërcënuese, për terrorizëm, etj.

Ai pretendoi se duke kaluar informacionet te Rama po bëhen mekanizma që të kontrollohet SHISH.

“Miqtë e mi.

Një muaj më parë, Edi Rama jep urdhër në kundërshtim flagrant me ligjin e Shërbimit Informativ Kombëtar. Ligji detyron shërbimin, të dhënat që ai mbledh në punë e sipër për kriminalitetin, për korrupsionin, për vepra kërcënuese, për terrorizëm, etj, me ligj ai ia kalon institucioneve ligjzbatuese.

Kurse një muaj më parë, Vlora që e kuptoni vetë më mirë të quhej me çdo emër tjetër dhe jo Vlorë, e mori pasi e shkarkuar nga Shërbimi Informativ në Kosovë, urdhëron drejtoritë të mos dërgojë asnjë informacion askund tjetër, por çdo informacion që të kërkojë policia, prokuroria apo institucione të tjera, ta dërgojë njëherë të kryeministria, të Engjëll Agaçi dhe pastaj ata ta kalojnë.

A nuk është ky një kontroll i tmerrshëm policesk? A nuk është ky një akt antiligjor? A nuk është kthimi i SHISH në një vegël të verbër të Edi Ramës?

A nuk janë këto së bashku mekanizma të një diktature që bazohet në krimin dhe drogën?”, theksoi kryedemokrati./ CNA

Lajmet e fundit nga