web counter
LEXO PA REKLAMA!

SHKARKO APP

App Store
Google Play

E fundit!

x

Plas në Bordin e RTSH-së, akuza Leka Bungos: Je gaztor i kryeministrave

11 Mars 2024, 18:17, Aktualitet CNA
Plas në Bordin e RTSH-së, akuza Leka Bungos: Je gaztor i
Fotomontazh - Leka Bungo, në sfond godina e RTSH-së

Sot në mesditë është zhvilluar mbledhja e Këshillit Drejtues të Radio Televizionit Shqiptar, një mbledhje specifike për të miratuar buxhetin e vitit 2024, por buxheti ka kaluar mes tensionesh dhe debatesh mjaft të forta.

Burime nga takimi i thanë CNA-së se debatet e ashpra kanë qenë të drejtuara ndaj Leka Bungos, i cili është kreu i Këshillit Drejtues, njeriu që pretendon se është një udhëheqës i madh dhe një artist i shkëlqyer i artit dhe skenës shqiptare.

Në fakt, ajo që ka ndodhur në mbledhjen e Këshillit Drejtues, është se anëtarët i janë drejtuar Bungos me akuzat se ndodhet në krye të këtij këshilli thjeshtë dhe vetëm se është një gaztor kryeministrash.

Bungo ka pretenduar se është një artist i madh i Shqipërisë.

Nga ana tjetër, debatet kanë qenë të forta dhe Leka Bungo ka bërë sikur nuk i ka dëgjuar për publikimet e CNA në lidhje me mesazhet që kreu i Këshillit Drejtues çonte në media për anëtarët dhe kolegët e tij.

Buxheti ka kaluar mes tensionesh. Gaztori i kryeministrave ka bërë sikur nuk ka dëgjuar çështjen apo pikat e mesazheve, të cilat do të vazhdojnë të publikohen në ditët në vijim së bashku me të tjerë, jo thjeshtë dhe vetëm kujtesë ndaj anëtarëve të Këshillit Drejtues, por për t’ju treguar se kush është në krye të asaj strukture që menaxhon RTSH-në.

Në fund, anëtarët kanë votuar buxhetin, i cili në fakt është thuajse i njejtë me atë të një viti apo dy viteve më parë dhe kleçka qëndron te fakti se në parim buxheti votohet, por rrugës ka ndryshime, si ato që ka denoncuar CNA në lidhje me Festivalin e RTSH-së dhe koncertin e fundvitit.

CNA do të publikojë materiale të tjera, pasi investigimet tona po vazhdojnë, mbledhja e fakteve dhe dokumenteve nuk do të ndalet deri në zbardhjen e së vërtetës.

E rëndësishme është që sot kryetari i Këshillit Drejtues të RTSH-së u quajt nga kolegët e tij atje gaztor kryeministrash, i votuar nga Parlamenti. Nuk është çudi, Parlamenti shqiptar ka votuar lloj lloj kllounash nëpër institucione, një prej tyre nuk mund të jetë Leka Bungo./ CNA





Lajmet e fundit nga