web counter
LEXO PA REKLAMA!

SHKARKO APP

App Store
Google Play

Paturpësia e Këshillit Drejtues të RTSH-së, që mban kryetar Leka Bungon

12 Mars 2024, 11:43, Aktualitet CNA
Paturpësia e Këshillit Drejtues të RTSH-së, që mban
Leka Bungo

Në Veri të Shqipërisë thonë një shprehje të mençur, e ardhur si e tillë prej shekujsh si sintezë e mençurisë popullore: “BURRI KA KOHË ME U KORIT!” Natyrisht, kjo ka vlerë për ata që dinë të kuptojnë, ndër të cilët nuk hyn ai që hyn në çdo skutë të korridoreve të RTSH-së, pra Leka Bungo. Sepse Lekës, nuk i del koha “me u korit”.

Tetëdhjetëvjeçari ende është i frymëzuar të bëjë gaztorin bajat të kryeministrit, sepse kjo është e vetmja meritë dhe aftësi që ka e me të cilën mburret korridoreve të RTSH-së, duke na dhënë në këtë mënyrë një dëshmi edhe për cilësinë e humorit që konsumon kryeministri ynë, i cili për hir të së vërtetës nuk duket që në shijet e tij estetike të jetë aq vulgar sa është humori i Lekës, për të cilin në Shkodër ekziston shprehja humor “kaps”.

Por, le t’i ikim humorit e të merremi pak me gjëra më serioze, siç, fjala vjen, titulli “Nderi i Kombit” i dhënë Leka Bungos, si për të na dëshmuar se sa i pavlerë është ky titull.

Dikush mund të thotë se ndër më shumë se njëmijë e ca persona apo subjekte që e kanë marrë këtë titull, ç’punë prish që ia kanë dhënë edhe këtij personazhi, të cilin regjisori Ilir Keko e quajti turpi i kombit në mes të të gjithë anëtarëve të Këshillit Drejtues të RTSH-së, teksa ky, pra, Leka, e përdori si mburojë virgjërie duke u vetëmburrur si kaposhi mbi pleh që “unë jam ‘Nderi i Kombit’”.

Në fakt, edhe kjo është për të qeshur se ta imagjinosh nderin e kombit me nderin e Leka Bungos do të thotë se nderit të kombit i ka ikur nderi që kur këtë Lekën e çuan të punonte në Patos pesëdhjetë vjet më parë, për bëmat e të cilit nuk mund të na rrëfejë dot regjisori i madh, Kujtim Spahivogli, dritë pastë.

Se po të ishte gjallë i ndjeri Kujtim Spahivogli, kushedi se çfarë xhevahiresh do të mësonim për dhëndrin e ambasadorit të Enver Hoxhës që na krekoset sot si “Nderi i Kombit”, që nuk e dimë se për ç’merita i është dhënë edhe përgjegjësia të drejtojë Këshillin Drejtues të RTSH-së, bëmat skandaloze të të cilit në këtë institucion i kanë gjurmët që pas vitit 1992, kur si një mediokër i pavlerë (sepse ka edhe mediokër të vlefshëm), hoqi nga puna artistë e punonjës që kishin dhënë gjithçka për atë televizion.

Paturpësia e Këshillit Drejtues të RTSH-së, që mban
Këshilli Drejtues i RTSH-së

Leka Bungo është simbol i së keqes, i ligësisë, i pabesisë dhe i paburrërisë, siç ia tha në sy edhe Ilir Keko në një mbledhje, e cila në fakt do të duhej të ishte e fundit për një këshill që ka paturpësinë të mbajë për kryetar një intrigant që çfarë nuk ka thënë e çfarë nuk ka sajuar edhe për vetë anëtarët e këshillit. Por edhe kjo është çështje cipe e turpi. Ka nga ata që nuk e kanë, por ka edhe nga ata që e hanë me honoraret që marrin…/CNA

 





Lajmet e fundit nga