web counter
LEXO PA REKLAMA!

SHKARKO APP

App Store
Google Play

E fundit!

x

Plani për Rritjen Ekonomike/ Shqipëria do të përfitojë 1 miliard euro nga BE-ja

12 Mars 2024, 11:23, Aktualitet CNA

Plani për Rritjen Ekonomike/ Shqipëria do të përfitojë

Zëvendëskryetari i Këshillit Kombëtar të Integrimit Evropian, Toni Gogu, ka deklaruar në mbledhjen e sotme se Shqipëria do të përfitojë rreth 1 miliard euro nga BE-ja në kuadër të Planit të Rritjes Ekonomike.

Sipas Gogut, plani do të jetë si një dinamo e integrimit rajonal dhe evropian.

Për të gjitha vendet e Ballkanit Perendimor është bërë një përllogaritje e përafërt e përfitimit, ku për Shqipërinë parashikohet të jetë 984 milionë euro në total, rreth 1 miliard euro.

“Plani i rritjes është një dinamo që fuqizon integrimin rajonal dhe atë evropian. Si i tillë, ka vend për ta precizuar më mirë dhe për t’ia rritur fuqinë në vazhdimësi. Për të gjitha vendet e Ballkanit Perendimor është bërë një përllogaritje e përafërt e përfitimit (ku për Shqipërinë parashikohet të jetë 984 milionë euro në total, ~1BLN€).

Këto fonde janë të vëna në dispozicion të Shqipërisë. Nuk konkurrojmë me asnjë vend nga rajoni për to.

Shqipëria konsiderohet si vendi lider në rajon që nuk do të ketë asnjë problem me disbursimin dhe pritet që përthithja të jetë në nivelin maksimal. Gjysma e Fondit parashikohet të mbështesë drejtpërdrejt buxhetin e shtetit dhe gjysma tjetër e tij të kalojë për investime përmes Fondit të Investimeve për Ballkanin Perëndimor/WBIF.

Fondet do të kushtëzohen nga reformat, dhe shoqërohen me tregues përkatës për disbursimin e kësteve, ku çdo 6 muaj do të matet progresi për secilën pikë nga Komisioni Evropian dhe do të autorizohet disbursimi.

Pjesa e 50% që do të kalojë për investime përmes WBIF, pritet të gjenerojë bashkëfinancim me bankat zhvillimore (Banka Evropiane e Investimeve/BEI, Banka Evropiane për Rindërtim dhe Zhvillim/BERZH etj.) rreth 1 deri në 2 bln euro.

Pra injektimi total qe pritet për Shqipërinë në (2024 pas miratimit) 2025-2027 është midis 1 bln (500+500) deri në 2.5 bln euro investime dhe mbështetje e drejtpërdrejtë në buxhet”, ka thënë Gogu gjatë mbledhjes./ CNA





Lajmet e fundit nga