web counter
LEXO PA REKLAMA!

SHKARKO APP

App Store
Google Play

Tensionet Shqipëri-Greqi/ Meta i “drejton gishtin” qeverisë  

13 Mars 2024, 10:50, Aktualitet CNA

Tensionet Shqipëri-Greqi/ Meta i “drejton gishtin”

Kreu i Partisë së Lirisë, Ilir Meta, në një intervistë të dhënë për mediat turke, ka folur për tensionet Shqipëri-Greqi, për çështjen e kufijve detarë dhe kërkesat për dëmshpërblim për të drejtat e shqiptarëve të dhunuar në të kaluarën.

I pyetur për mendimin e tij në lidhje me tensionet mes dy vendeve fqinje, Meta i drejtoi gishtin qeverisë duke thënë se gjatë kohës si President, e këshilloi qeverinë që të vepronte në përputhje me Kushtetutën dhe me transparencë, por qeveria nuk bëri asgjë.

Sipas Metës, duke çuar në Gjykatën Ndërkombëtare çështjen, e cila ishte temë e bisedimeve dypalëshe me Greqinë, e komplikoi situatën edhe më tepër nga sa ishte.

“Ajo që është veçanërisht e trishtueshme është se çështjet që në fakt kanë origjinë dhe natyrë të ndryshme etiketohen si 'tensione midis vendeve'. Më lejoni të sqaroj.

Unë si President kam qenë i interesuar për çështjen e kufirit detar për një kohë shumë të gjatë. E këshillova Qeverinë aktuale që të veprojë me transparencë në përputhje me Kushtetutën, procedurat ligjore, ligjet dhe publikun.

Qeveria nuk bëri asgjë nga këto. Për më tepër, duke çuar në Gjykatën Ndërkombëtare këtë çështje, e cila ishte temë e bisedimeve dypalëshe me Greqinë, mendoj se e komplikoi situatën edhe më tepër nga sa ishte.

Për sa i përket çështjes së shqiptarëve çamë, ky problem buron nga historia, veçanërisht nga Lufta e Dytë Botërore.

Mendoj se i kemi të gjitha mundësitë dhe mjetet për ta zgjidhur njëherë e përgjithmonë këtë çështje. Unë besoj se interesat tona dhe potenciali i bashkëpunimit me Greqinë janë më të mëdha sesa të këmbëngulësh për ta lënë çështjen pa zgjidhje”, tha Meta./ CNA

 





Lajmet e fundit nga