web counter
LEXO PA REKLAMA!

SHKARKO APP

App Store
Google Play

Ekstradimi i parë nga Dubai/ Balla: Do të çojmë më tej negociatat për marrëveshjen me Emiratet e Bashkuara

13 Mars 2024, 12:00, Aktualitet CNA

Ekstradimi i parë nga Dubai/ Balla: Do të çojmë më

Ministri i Brendshëm, Taulant Balla, ka folur për ekstradimin e parë nga Dubai në Shqipëri.

Balla bëri me dije se pas një muaji do të zhvillojë një vizitë në Emiratet e Bahskuara ku do të diskutohet mbi negociatat për marrëveshjen e ekstradimeve.

Ai tha se tashmë Dubai nuk do të shihet si oaz strehimi nga eksponentët kriminalë.

"Ju e keni parë që prej disa muajsh kemi filluar një bashkëpunim me Interpol-in kundër krimit të organizuar, kundër trafikut të narkotikëve dhe kemi një fokus të ri në gjetjen e personave të kërkuar nga Shqipëria.

Kemi një numër të reduktuar të marrëveshjeve të esktradimit, dhe po punojmë të hapim shtigje të reja komunikimi me vende të tjera që nuk kemi.

Ekstradimi i thjeshtuar ka të bëjë me një metodë që ka në vetvete një komunikim me Interpol Tirana dhe Abudabi.

E sjell deri në aeroport në Dubai dhe më pas me avion deportohet në Rinas.

Ky vend ishte shndërruar në një oaz për personat eksponentë të krimit.

Rasti i jep fund konsiderimit të këtij vendi si oaz i strehimit.

Pas rreth një muaji pasi do të jemi duke negociuar, do të jem në Emiratet e Bashkuara për të çuar më tej negocimin e një marrëveshjeje në fushën e ekstradimeve, për të çuar përpara këtë hap të rëndësishëm", tha Balla./ CNA





Lajmet e fundit nga