web counter
LEXO PA REKLAMA!

SHKARKO APP

App Store
Google Play

E fundit!

x

Lidhja mes Redi Mollës dhe Mariglen Qatos/ Përfituan 11 tenderë kur ishin drejtorë në Bashkinë Tiranë

29 Mars 2024, 08:11, Aktualitet CNA
Lidhja mes Redi Mollës dhe Mariglen Qatos/ Përfituan 11 tenderë
Redi Molla dhe Mariglen Qato

SPAK-u prej disa muajsh ka kryer hetime intensive për zyrtarët e Bashkisë së Tiranës, ku kanë rënë në pranga zyrtarë dhe ish-zyrtarë. 

Së fundmi GJKKO-ja ka dhënë 9 masa sigurie, ku ndër të tjera është dhënë "arrest me burg" për Mariglen Qaton, ish-drejtor i Shërbimeve Mbështetëse pranë UKT-së Tiranë dhe Redi Molla, ish-drejtori i Ujësjellës Kanalizimeve Tiranë.

Ndërkohë është lëshuar një tjetër urdhër-arresti për Taulant Tushën. Përveç aferës së inceneratorit të Tiranës, Tusha akuzohet edhe për dosjen e famshme "5D". 

Nga hetimet ka rezultuar se Redi Molla dhe Mariglen Qato janë ortakët e vërtetë dhe pronarët “de facto” të shoqërisë “5D Konstruksion” sh.p.k., duke përfituar një sërë tenderësh. 

Molla dhe Qato e kanë zotëruar këtë shoqëri tregtare në mënyrë indirekte, duke përdorur persona të tjerë, shtetasit E.M., M.P. dhe N.M., si ortakë fiktivë në aktet e regjistrimit dhe funksionimit të shoqërisë, me të cilët ortakët e vërtetë të shoqërisë kanë pasur lidhje shoqërore dhe lidhje miqësore.

Redi Molla ka mbajtur postin si Drejtori i Përgjithshëm i shoqërisë “Ujësjellës Kanalizime Tiranë”,  shoqëria tregtare “Igor Elektrik” e njëjtë me “V.A.S Konstruksion”, njëjtë me “5D Konstruksion” sh.p.k., ka marrë pjesë dhe është shpallur fituese në shkelje të rregullave të prokurimit publik në 7 (shtatë) procedura prokurimi, të realizuara nga autoriteti kontraktor “Ujësjellës Kanalizime Tiranë” sh.a.

Në këto procedura Redi Molla ka pasur cilësinë e titullarit të autoritetit kontraktor, ka urdhëruar kryerjen e prokurimit, ka urdhëruar përbërjen e Njësisë së Prokurimit, ka urdhëruar përbërjen e Komisionit të Vlerësimit të Ofertave (duke caktuar në katër raste si anëtar të këtij komisioni Mariglen Qaton, që është ortaku tjetër indirekt i shoqërisë).

Ndërkohë ka nënshkruar kontratat e sipërmarrjes, si dhe ka kryer çdo veprim tjetër që lidhet me cilësinë e titullarit të autoritetit kontraktor, me shoqërinë tregtare në zotërim të tij.

Po kështu gjatë viteve 2016-2018, kur Mariglen Qato ka ushtruar funksionin e Drejtorit të Departamentit Mbështetës në shoqërinë “Ujësjellës Kanalizime Tiranë”, “5D Konstruksion” sh.p.k., ka fituar në kundërshtim me rregullat e prokurimit publik në 4 (katër) procedura prokurimi.

SPAK-u thekson se është provuar edhe me fakte se kompania “V.A.S Konstruksion” sh.p.k. e njëjtë me “5D Konstruksion” sh.p.k., ka marrë pjesë dhe është shpallur fituese në kundërshtim me rregullat e prokurimit publik, në disa procedura prokurimi të organizuara nga autoriteti kontraktor Bashkia Tiranë./CNA 

 





Lajmet e fundit nga